المساعد الشخصي الرقمي

مشاهدة النسخة كاملة : [[ لمن يريد السفر لبرشلونه .. يسأل .. وهولا يجيب ]] ( فنادق / تذاكر مباريات / تنقل )


الصفحات : 1 2 [3] 4 5

K 2
18-10-2007, 03:30 PM
السلام عليكم أخوي فيصل أنا بس حبيت أسأل كم سؤال؟؟
1- كم سعر مباراة الدخول ألي المباراة.
2-أذا بغيت أتدرب وين أروح أدرب في أي مكان.
3-من احسن الفنادق .
4-أي منطقة الملعب الكامب نو في كتلونية.
5-هل يقبلون أي واحد يدخل التدريب ولا بس المحترفين.
6- حال الطقس هناك حلو.
7- هل هناك اسواق.
و 8- نقطه مشكووور أخوي فيصل علا النصائح و :sorry: أذا أذيتك
:1: :1: :1: :1: :1: :1: :1:

كروويف
19-10-2007, 04:11 AM
طيب أخووي حبيت أسأل .


كم يكلف مصروف لليوم الواحد ؟؟

بس أكل وتنقل .. الرحلة بعد أسبوع

hola
19-10-2007, 04:28 AM
اخوي كي 2 .. تم الاجابه على نفس هذي الاسئله مسبقاً

كم يكلف مصروف لليوم الواحد ؟؟

بس أكل وتنقل .. الرحلة بعد أسبوع

على حسب المطعم .. يعني اذا وجبات سريعه ماك برجر كنج كي اف سي .. فـ 12 يورو غدا + عشا ..
والتنقل اذا اندر جراوند .. فـ تقدر تاخذ بطاقه اسبوعيه بـ 15 يورو ..
يعني قول منطقياً في اليوم شربك واكلك وتنقلاتك .. بـ 35 يورو ..:) [ او اقل او اكثر على حسب وين بتاكل ووش بتتنقل به بعد ]]

كروويف
19-10-2007, 04:46 AM
طيب كيف أتاكد أن بطاقه الصراف شغااالة هناااك

انا بطاقتي فيها شعاار ..

plus و visa elctron

•● AAMER JR ●•
19-10-2007, 04:55 AM
اذا بروح وياي تمام

hola
19-10-2007, 04:56 AM
شغاله .. وضعك اوكي .. اهم شي اذا جيت تصرف .. شوف نفس الصراف عليها علامة بطاقتك والا لا مثل الـ بلس هذي ..:)

ويالغالي ياليت لين جيت تصرف تطالع يمين ويسار يمكن احد يكون يراقبك بالتحديد في الرامبلا :)

كروويف
19-10-2007, 05:00 AM
طيب أفضل وسيلة وأرخصها للنقل من المطار الى فندق رويال رامبلا ؟؟

hola
19-10-2007, 06:18 AM
افضل وسيله التاكسي
ارخص وسيله الأندر جراوند .. والباص

اذا هي زيارتك الاولى .. فـ رح بالتاكسي افضل لك :)

كروويف
19-10-2007, 06:40 AM
طيب من ناحية قيمة التاكسي من المطار الى الفندق ؟؟

والمترو ماهي أقرب محطة للفندق ؟؟ ومن وين أشري بطاقه للمترو لاربع ايام قادمة ؟؟

وماهو أفضل وقت لزيارة ملعب ومتحف برشلونة ؟؟

عمو حسني
19-10-2007, 08:52 AM
السلام عليكم ورحمة من الله وبركاته
يسعد مساكم جميعا
ويعطيك الف عافيه حبيبي هولا على ذا المجهود الجبار الى تقوم به واهنيه على طولة البال على بعض الاسئله
فضلا وليس امرا بغيت استشيرك في سفره اذا امكن
انا انشاء الله رحلتي على الرباط في المغرب من 1/11/07الى16/11/07 وانت تدري يوافق مبارت البرسا في الكامب نو مع الرنجرز
سؤالي لو اقدم الحين على الفيزا كم تستغرق وشلون التقديم وبكم
ثانيا شلون احجز على المبارات من بدري وعلى التذكرع من المغرب على برشلونة مع السكن يومين بس
اتمنى انك تصير وسيع صدر على وتعلمني بالتفصيل الملل
ولا تحرمنا من نصايحك الحلوه بعد
هذا ولك خالص تحياتي

hola
19-10-2007, 12:52 PM
طيب من ناحية قيمة التاكسي من المطار الى الفندق ؟؟

اممممممممممممممممم بما ان الاوتيل حقك بالرامبلا .. بياخذ منك حوالي 23 يورو

والمترو ماهي أقرب محطة للفندق ؟؟ ومن وين أشري بطاقه للمترو لاربع ايام قادمة ؟؟
المترو .. تنزل بـ محطة بلازا كتلونيا ..
تشتري بطاقة المترو .. من البلازا كتلونيا محطه كبيره وتجد فيها مسؤول عن البطاقات الاسبوعيه والشهريه وكذا .. لكن بما انك بتطلع من المطار للبلازا كتلونيا بصراحه ماقد جربت لكن اعتقد بأنك سـ تجد مسؤول تستطيع ان تحادثه عن مسألة التذكره الاسبوعيه

وماهو أفضل وقت لزيارة ملعب ومتحف برشلونة ؟؟
على حسب مزاجك مافيه وقت معين ..

--

يسعد مساكم جميعا
ويعطيك الف عافيه حبيبي هولا على ذا المجهود الجبار الى تقوم به واهنيه على طولة البال على بعض الاسئله
فضلا وليس امرا بغيت استشيرك في سفره اذا امكن
انا انشاء الله رحلتي على الرباط في المغرب من 1/11/07الى16/11/07 وانت تدري يوافق مبارت البرسا في الكامب نو مع الرنجرز
سؤالي لو اقدم الحين على الفيزا كم تستغرق وشلون التقديم وبكم
عليكم السلام ورحمة الله وبركاته ..

يسعد صباحك حبيبي حسني ..
ويعطيك الصحه على استفسارك ...

يالغالي اذا مقصد سفرتك بالكامل هو حضور القمه بين البارسا والرينجرز فأتمنى ان تنسى الموضوع فعلياً ..!!

تذاكر البارسا ضد الرينجرز .. انتهت منذ مده ..!! وهي اصعب من الحصول على تذاكر الكلاسيكو !!

فالأسكتلنديين القادمين للمدينه الكتلونيه عددهم لن يقل عن 20 الف مشجع ..
والحاصلين على التذاكر عددهم حوالي 5000 !!
اذاً 15 الف من مشجعين الرينجرز .. سينافسوك على التذاكر من السوق السوداء !!!! والسعر بيكون ناري للغايه ..

المهم .. التقديم يكون من نفس السفاره الاسبانيه بالمغرب .. تعطيهم .. 4 صور خاصه لك + كشف حساب من البنك اللي تتعامل معاه [ اخر 6 شهور ] .. + صورة تأكيد السكن الخاص بك في برشلونه + صورة للتذكره اللي بتسافر عليها من المغرب لـ اسبانيا ... سواءا تذكرة طائرة او العباره ..
المده تستغرق حوالي من 10 ايام لـ 25 يوم ..!! والتكلفه بـ حوالي 130 يورو

ثانيا شلون احجز على المبارات من بدري وعلى التذكرع من المغرب على برشلونة مع السكن يومين بس
والله للأسف كتبت لك سابقاً مستحيل ان تجد تذكره للبارسا ضد الرينجرز ..:(
التذاكر مباعه بشكل نهائي :(

ياليت تشوف مباراه ثانيه يعني بـ موعد اخر .. انسى الرينجرز ضد البارسا .. اسف على هذا الخبر السيء

ولكن شاهد هذا الرابط للسوق السوداء

http://www.barcelona.com/barcelona_tickets/fc_barcelona_football_tickets/fc_barcelona_vs_glasgow_rangers_tickets

اتمنى انك تصير وسيع صدر على وتعلمني بالتفصيل الملل
ولا تحرمنا من نصايحك الحلوه بعد
هذا ولك خالص تحياتي
حياك الله يالغالي واذا عندك اي استفسار اخر .. انا تحت خدمتك حبيبي

عمو حسني
19-10-2007, 01:01 PM
يسعد صباحك طال عمرك
والف شكر على الرد السريع
الشكوى لله زحمه زحمه شنسوي نروح هناك ونبلش بعدها ؟لا يعمي صعبه
وبالنسبه على موظوع الكلاسكو
انت كتبت عن مكتب في الرياض انه يسوي عرض حلو
سؤالي هل العرض شامل السكن مع التذكره بس ولا يسون لك تحت اشرافهم جولات في برشلونة للسياحه؟
وهل السكن الي ياخذونه نظيف وقريب من الكامب نو
ارجو التوضيح اكثر
هذا ولك خالص احترامي

hola
19-10-2007, 01:07 PM
سؤالي هل العرض شامل السكن مع التذكره بس ولا يسون لك تحت اشرافهم جولات في برشلونة للسياحه؟
وهل السكن الي ياخذونه نظيف وقريب من الكامب نو
هلا عزيزي ..
العرض شامل السكن + تذكرة المباراه في افضل مقعد Cat1
والسكن في الليس كورتيس .. بجانب الكامب نو .. والاوتيل نظيف وممتاز 4 نجوم ..!!

عمو حسني
19-10-2007, 01:28 PM
يسلم راسك حبيبي على كامل التوضيح
بس هل فيه فرع لنفس المكتب في الشرقيه؟
وبالنسبه للموقع انا ماعرفت وين يكون في الملعب
بس هل اقدر اجلس خلف الاحتياط مباشره؟؟؟؟
لك خالص احترامي

hola
19-10-2007, 05:02 PM
يسلم راسك حبيبي على كامل التوضيح
بس هل فيه فرع لنفس المكتب في الشرقيه؟
وبالنسبه للموقع انا ماعرفت وين يكون في الملعب
بس هل اقدر اجلس خلف الاحتياط مباشره؟؟؟؟
لك خالص احترامي
ومن قال حبيبي .. اللي اعرفه ان المكتب فقط في الرياض وماله فروع .. لكن اعتقد تقدر تتصل فيهم وتحجز وتظبط وضعك وانت بالشرقيه ..
الـ Cat1 مكانها أمام لابورتا بالظبط .. او تحته .. انت وحظك ..

semsem2003_78
19-10-2007, 09:25 PM
مرحبا يا اخوان ...
احد عنده معلومة عن كيفية حضور المبارة البرشا والريال بتاريخ ( 23-12-2007 )
من حيث تذاكر المبارة + السكن + تذاكر الطيران ؟
لان النية موجوده لحضور المباراة حيث انني وجدت موقع ( مكتب سفريات بالسعودية ) اعتقد انه معروف اسمة شذونة يوفر التذاكر
في احد جرب هذا المكتب وراح لحضور مباراة ( انا من الكويت )
اتمنى المساعدة من الاخوان

هلالي برشلونة
20-10-2007, 01:58 AM
ويالغالي ياليت لين جيت تصرف تطالع يمين ويسار يمكن احد يكون يراقبك بالتحديد في الرامبلا

وزود بالحرص.. يفضل تصرف بالنهار مو بالليل.. والله في الرياض الواحد ما عاد صار يقدر يصرف بالليل وهو مطمن..!!
ويفضل لو يكون مع أحد..!! الإحتياط واجب.. واحرص انك ما تصرف مبلغ كبير عشان لو سرق ولا ضاع ما تكون مصيبة.. يعني لو بتجلس اسبوع اصرف على 100 يورو مثلا .. إذا كنتمحاسب الأوتيل.. ممكن ما يحتاج تصرف إلا 3 مرات..
بس انتبه أنهم يخصمون منك حوالي 15 ريال على كل عملية سحب ( حسب البنك اللي تتعامل معه )

كروويف
20-10-2007, 03:21 AM
طيب من ناحية حضور المباراة..

أنا اخذت تذكرة لمباراة البرشا وريال بيتيس وبتوصل التذكره هناك على الفندق

كيفية اجراءات دخول المباراة ؟؟

oO AnDrEs MeSsI Oo
20-10-2007, 03:44 AM
هلالي كتلوني .. عندي اخبار سيئه بصراحه .. الكات 1 .. في السوق السوداء سولد آوت :(

باقي التذاكر الاخرى مثل الكات 2 والكات 3 ..

نصيحتي ريح بالك .. وكلم مكتب شذونه اللي بالرياض .. وهو عنده رحله بدال ماهي ثلاث ايام على قولتك .. بيخليها لك بـ 5 ايام .. + حضور الكلاسيكو في افضل مقعد بـ 4990 ريال ..!!

خطوط الطيران .. نصيحه خاصه .. جده باريس على الخطوط السعوديه .. باريس برشلونه على الفيولينغ او ايزي جيت .. وأنتبه أنتبه أنته لمسألة المطار اللي بتوصل عليه ... ترا فيه مطارين بـ باريس
او اطلع جده مدريد :) وبعدين مدريد الرياض .. سعر التذكره بـ حوالي 3000 ريال

طيب العرض اللي بمكتب شذونه اللي بــ 4990 شامل تذكرة الطيران ذهاب واياب وتذكرة حضوور الكلاسيكو ؟؟

طيب كم يكلفني من مصاريف ثانية يعني لو آخذ 3 آلاف ريال معي .. تكفي سكن وآكل والا قليلة .. السكن زي ماقلتلك بأي مكان مايهم حتى لو غرفة بس تكوون قريبة من الملعب ..

والصراحة مستحي منك << لاني زودتها حبتين :sorry:

مشعل10
20-10-2007, 03:49 AM
والله توي انتبه للموضوع
س1-كم سعر التذكره لمدينة برشلونه من السعوديه؟
س2- ميسي وين ساكن ؟
س3-اقدر ادخل الكامب نو واصور فيه زي السانتياجر يقدرون؟
س3-اقدر اصور مع الاعبين وآخذ توقيعاتهم في التدريبات ؟
معليش ابثرتك في الأسئله

hola
20-10-2007, 04:24 AM
مرحبا يا اخوان ...
احد عنده معلومة عن كيفية حضور المبارة البرشا والريال بتاريخ ( 23-12-2007 )
من حيث تذاكر المبارة + السكن + تذاكر الطيران ؟
لان النية موجوده لحضور المباراة حيث انني وجدت موقع ( مكتب سفريات بالسعودية ) اعتقد انه معروف اسمة شذونة يوفر التذاكر
في احد جرب هذا المكتب وراح لحضور مباراة ( انا من الكويت )
اتمنى المساعدة من الاخوان
هلا يالغالي .. اغلب الاعضاء اللي بيطلعون من الفورسا لحضور القمه بيكونون عن طريق مكتب شذونه ..
مكتب ينشد بهم الحال والله100% :)

طيب من ناحية حضور المباراة..

أنا اخذت تذكرة لمباراة البرشا وريال بيتيس وبتوصل التذكره هناك على الفندق

كيفية اجراءات دخول المباراة ؟؟
لما تجي تعمل تشيك ان بالاوتيل بتحصل تذكرتك موجوده .. والاجراءات اذا جيت تدخل الماتش .. بتمر عند آله صغيره .. تحط عليها التكت وتفتح لك

طيب العرض اللي بمكتب شذونه اللي بــ 4990 شامل تذكرة الطيران ذهاب واياب وتذكرة حضوور الكلاسيكو ؟؟
لالا !!

4990 هذي تذكرة الـ CAT 1 افضل مقعد في المباراه + السكن خمس ايام ..

يعني مالهم دخل بـ تذكرة الطيران ..

لكن اذا تبي CAT3 بتحصل عرضهم مع السكن بـ خمس ايام .. بـ 3900 اعتقد !!

والله توي انتبه للموضوع
س1-كم سعر التذكره لمدينة برشلونه من السعوديه؟
مافيه الى برشلونه مباشره ..
اقرب شي لمدريد .. من الرياض لمدريد بحوالي 3000 ريال
س2- ميسي وين ساكن ؟

عند ابوه

س3-اقدر ادخل الكامب نو واصور فيه زي السانتياجر يقدرون؟
ايه تقدر

س3-اقدر اصور مع الاعبين وآخذ توقيعاتهم في التدريبات ؟
انت وحظك

معليش ابثرتك في الأسئله
لا عادي في خدمتك حبيبي

][..The Miracle..][
20-10-2007, 04:35 AM
ناصر هذا المكتب ايش قصته ؟!

فيه في جده ؟!

hola
20-10-2007, 04:36 AM
لا بس بالرياض ..

كروويف
20-10-2007, 04:55 AM
تسلم يالغالي ..

طيب من ناحية الشنط ترسل لبرشلونة على دايركت

ولا لازم اخذها في توقفي في مدريد؟؟

hola
20-10-2007, 04:59 AM
وش هي الشركه اللي بتطلع عن طريقها من مدريد لبرشلونه ؟!

اذا شركه كبيره .. يعملونها لك دايركت اعتقد .. يعني هم يتحملون رفعها لـ شركتك الثانيه !!

لكن اذا من نوع فيولينغ + ايزي جت .. فـ انت اللي بتشيلها :(

كروويف
20-10-2007, 05:06 AM
طيب أكيد وانا داخل لمدريد لازم أمر الجوازات وختومات وزي كذا..

هل الشئ نفسه في برشلونة ؟؟

hola
20-10-2007, 05:10 AM
لا لما تدخل المحطه الاوروبيه الاولى لك فقط يكون فيه تفتيش على الجواز فقط .. غير كذا كأنك داخل دوله واحده

والله يوحد الخليج قول آمين :)

كروويف
20-10-2007, 05:13 AM
آآآآآآآآآمين يااارب ..

صرراحة أكثر موضوع مخوفني الوصول لمدريد والسفر بع ساعتين لبرشلونة

لان المطار اول مره اشوفه ونفس الشئ الدووله

عندك معلومات عن كيفية الذهاب للصالة المغادرة لبرشلونة ؟؟

hola
20-10-2007, 05:18 AM
اكتب لي التيرمنل حق وصولك .. والتيرمنل حق خروجك لبرشلونه وانا ببحث لك ..:)

كروويف
20-10-2007, 05:23 AM
والله ماقصرت ..

بس ماهي عندي التذكرة الحين بكرة أنشاء الله أخذها وأكتبها لك ..


طيب من ناحية اللبس وش رأيك صيفي ولا شتوي بهذا الوقت ؟؟

وهل يوجد صرافات في الرامبلا ؟؟

وهل المترو ينتقل من مكان الى آخر بكل الاوقات (يعني مثلا بروح العصر من بلازا كاتالونيا ال محطة قريبة من النوكامب هل أحجز قبل ولا تلقائي أروح )

hola
20-10-2007, 08:15 AM
شبه شتوي .. يعني شيرت وبلوفر ..
الرامبلا مليان صرافات :)
والمترو شغال من الساعه 8 الصبح اعتقد الى الساعه 12 ليلا في الايام العاديه .. والى الساعه 1 في الويك اند .. وكل دقيقه تحصل قطار جديد :) اسهل اندرجراوند في العالم ستجده في برشلونه :)

نسيت نكي
20-10-2007, 08:07 PM
سلأأأأم ناصر !!

والله وانا اخووك .. ما عندي أسئله !!

بس حبيت امسي عليك بالخير في موضوعك .. والله يقويك .. ما شاء الله عليك .. 24 ساعه خدمة يومية !!

تحياتي .. أخووك عبدالله !!

برڪان الڪامب نو
20-10-2007, 09:21 PM
ناصر امسي عليكـ بالخير والله يقويكـ يارب


ناصر التذكرة لمباراة برشلونة
اي مباراة كانت الكامب نو كمـ سعرها

hola
20-10-2007, 09:51 PM
حياك الله ياعبدالله ..

بركان .. مدري :)

هلالي برشلونة
21-10-2007, 02:22 AM
صرراحة أكثر موضوع مخوفني الوصول لمدريد والسفر بع ساعتين لبرشلونة

لان المطار اول مره اشوفه ونفس الشئ الدووله

الموضوع مو مستاهل ..! اول ما تنزل ألحق العالم اللي معك ( نصيحة واحد من الشباب ).. وخذ شنطتك.. وصدقني عند المكان اللي فيه الشنط لازم يكون فيه مكتب استعلامات ( information ) .. أو ( ask me ) .. وهذولي تكون معهم لغات يعني يعرفون إنجليزي.. وره تذكرتك وبيشرحلك وين تروح ووش تسوي..!!

صدقني الضيعة عندنا هنا ما تلقى احد تسئله ولا أحد تكلمه.. هناك بتلقى نقط الإستعلامات في كل مطار أو محطة مترو كبيرة..!!

كروويف
21-10-2007, 02:42 AM
الموضوع مو مستاهل ..! اول ما تنزل ألحق العالم اللي معك ( نصيحة واحد من الشباب ).. وخذ شنطتك.. وصدقني عند المكان اللي فيه الشنط لازم يكون فيه مكتب استعلامات ( information ) .. أو ( ask me ) .. وهذولي تكون معهم لغات يعني يعرفون إنجليزي.. وره تذكرتك وبيشرحلك وين تروح ووش تسوي..!!

صدقني الضيعة عندنا هنا ما تلقى احد تسئله ولا أحد تكلمه.. هناك بتلقى نقط الإستعلامات في كل مطار أو محطة مترو كبيرة..!!

تسلم يالغالي ..

وصررررراحة طمنتني الله يسعدك

كروويف
21-10-2007, 02:53 AM
بخصوص تذاكر الطيران على الخطوط السعودية

هل يلزم تاكيدهااا قبل السفر بمدة في الذهاب والعوودة ؟؟

Musha'l
21-10-2007, 06:05 AM
^^^^^^^^^^^^^^^^

كنصيحه في اي خطوط أكد حجزك .. للاسف الخطوط الكبيرة جميعها تتبع نظام "over booking" يعني يحجزون لركاب اكثر من سعه الطائرة .. فكل ما امكنت أكد حجزك

كروويف
21-10-2007, 09:12 AM
تسلم يالغالي ..

طيب أنا أستأجرت سيارة في مايوركا وصراحة ماطلعت رخصة دوولية

فقط ترجمت الرخصة

فهل هذا كااافي ..



وبالنسبة لزيارة الاماكن السياحية ..

هل الدخول لها يكون بمبلغ ولا مجانية مثل : الاوبرا والقرية الاسبانية والمتاحف والمسرح الروماني

وبالنسبة لحوض الاسماك والتلفريك بكم رمز الدخوول ؟؟

hola
21-10-2007, 10:22 AM
^
بعضها مجاني وبعضها غير مجاني .

حوض الاسماك سخيف مايستاهل تدخله !! اذا مره تحب السمكات [ عاجبتني الكلمه ] .. فـ دخوله اتذكر كان مرتفع سعره للغايه !! يعني 20 يورو وفيها !!

التلفريك 18 يورو اضن !!

بالنسبه للرخصه .. يالغالي اعتقد ان رخصتك السعوديه كافيه بالانجليزي بس ماتدري يمكن ينشبون في حلقك ..عموما ماراح يضرك شي لو طلعت رخصه دوليه بـ 50 ريال من اي مكتب سياحي محترم !!

كروويف
21-10-2007, 10:41 AM
صباح الخير أولا وشكرا لسرعة تجااوبك ..

أين تقع نافورة السحر ؟؟


وحاب أستشيرك بجدول أولي للرحلة

عندي أولا 4 ايام في برشلونة ثم الانتقال لمايوركا ثم العودة لبرشلونة يومين .. المهم

اليوم الاول : التعرف على منطقة الفندق طبعا في الراامبلا وشراء أغراض بسيطة من " كارفور "
"وصراحة حاب أتاكد من تذكرة العبارة لاني ماخذها عن طريق الفيزا هل أتوجه للميناء
أو أصبر لليوم الثالث لانه مخصصه لمنطقة الميناء "

اليوم الثاني : الحي القوطي وسوق لابوكوريا والغداء في سوق كورت انجلس وركوب الباص السياحي
والباقي ........
اليوم الثالث : التوجه لمنطقه الميناء وزيارة الاماكن بقدر المستطاع التي حولها( المتحف الحربي ومول ماريما والتلفريك والانتقال لتل منجويك وزيارة القرية الاسبانية والاولمبية ) والتوجه للميناء الاولمبي ليلا .

اليوم الرابع : زيارة النوكامب وشارع باسيج غارسيا والبااقي .......

عاشق الانتر99
21-10-2007, 06:41 PM
الله يعطيك العافيه

عاشق الساحر1
21-10-2007, 07:14 PM
ياهولا التذاكر من جده إلى برشلونه كم

hola
22-10-2007, 02:21 AM
أين تقع نافورة السحر ؟؟
بلازا اسبانيا

اليوم الاول : التعرف على منطقة الفندق طبعا في الراامبلا وشراء أغراض بسيطة من " كارفور "
"وصراحة حاب أتاكد من تذكرة العبارة لاني ماخذها عن طريق الفيزا هل أتوجه للميناء
أو أصبر لليوم الثالث لانه مخصصه لمنطقة الميناء "

من قال لا اعلم فـ قد افتى !!

اليوم الثاني : الحي القوطي وسوق لابوكوريا والغداء في سوق كورت انجلس وركوب الباص السياحي
والباقي ........
الحي القوطي = الرامبلا جنب بعض .. خلهم بنفس اليوم ومعاهم سوق الخضار المشهور ..

واليوم الثاني اركب الباص من الصباح .. وخله يلف بك كل مناطق برشلونه واللي يعجبك منها حط عنده علامة صح وارجع له بعدين

اليوم الثالث : التوجه لمنطقه الميناء وزيارة الاماكن بقدر المستطاع التي حولها( المتحف الحربي ومول ماريما والتلفريك والانتقال لتل منجويك وزيارة القرية الاسبانية والاولمبية ) والتوجه للميناء الاولمبي ليلا .
ماشاء الله عليك كل هذا بـ يوم واحد !!
عموماً ... شوف معاك البورتا افنتشورا لو تخليها اخر يوم بعد :)

ياهولا التذاكر من جده إلى برشلونه كم
مافيه مباشر من جده لبرشلونه :)

كروويف
23-10-2007, 12:27 AM
معليش تحملني على هالسؤال الغريب !!!!

كيف وضع الحلاقين هناك من ناحية موقعهم وأسعاارهم ؟؟

فارس برسا
23-10-2007, 12:28 AM
اخوي اذا بروح اسبوع عشر ايام من السعودية كم تتوقع الميزانية المتوقعة للرحلة

hola
23-10-2007, 01:01 AM
كرووويف ماعندي فكره للاسف عن الموضوع .. ماقد حلقت في برشلونه عند حلاق لكن عموماً اغلب حلاقين اوروبا .. مايحلقون الوجه لك .. فقط شعر الرأس !! واسعارها تترواح من 5 لـ 8 يورو

اخوي اذا بروح اسبوع عشر ايام من السعودية كم تتوقع الميزانية المتوقعة للرحلة
لازم تبين لي الرحله متى بتكون بـ تاريخ معين لان الاسعار تختلف من تاريخ لـ تاريخ
بالاضافه لـ الاوتيل اللي تسكن فيه كم نجمه .. وهل بتروح لحالك والا معك شخص اضافي؟

الغــزال الأسمر
23-10-2007, 12:27 PM
مشكووووووووووووووووووووووووووووووووووووووووووووووو وووووور

Hatem jk
23-10-2007, 12:31 PM
آآه لو يمدي اروح برشلونة ً لكن الله يرزق ..

واحظر مباراة للبرسا ..



يعطيك الف عافيه ..

!! . . ابوسعـــــود . . !!
23-10-2007, 06:29 PM
السـلامـ عليكمــ ,,

اخـوي ناصـر شخبــارك ,,

للأسـف تذاكـر الكات 1 اللـي عنـد مكـتب شـذونه خلصـت
حاليـا مافيـه الا كات 2 او كات 3 !!

بغيت اسـألك كات 2 تسـوى العنـوه والمشـوار ولا لأ ؟؟
يعنـي المكـان مناسب لـ متابعـة المبــاراه ؟؟

وتقبل تحياتي ,,

hola
23-10-2007, 06:37 PM
الكات 2 او 3 كلها تسوى والله ..

ياتركي المباراه اقسم بالله حتى لو ماتدخل الملعب تحس بشعور خيالي :( مقدر اوصفه

عموما كات 2 يمشي حاله ممتاز

Rachid Tlemseni
23-10-2007, 06:51 PM
اخي ناصر اظن انو من المغرب لبرشلونه خط واحد وارخص و بالنسبة للتذاكر فهل ثمن الدوري مثل ثمن دوري الابطال ?? و مشكور اخوي

hola
23-10-2007, 09:29 PM
نعم من المغرب لـ برشلونه اخوي رشيد .. رخيصه مره والله .. ممكن حوالي 30 يورو اذا قصيت التذكره بـ وقت مبكر ..!!

اما عن تذاكر المباريات .. فـ هي تختلف على حسب من هو الفريق المقابل ..:)

هلالي برشلونة
24-10-2007, 02:03 AM
يا شباب أنا مريت شذونة قبل فترة.. واسولف وياه ... طبعا زي ما قلتوا خلصت الكات 1,, ما بقى إلاكات 2 او كات 3..!!

طبعا لحد يتحطم لانها تستاهل الروحة.. واحد من الشباب حظر خوان قامبر.. في الكات 3 ( مقلوع في اعلى الدور العلوي خلف المرمى ), وشاهد المباراة بوضوح..!!

ترى الملعب بدون المضمار.. يكون واضح الرؤية حتى خلف المرمى..!!

يعني مالها داعي تلغي روحتك للكلاسيكو عشان السبب هذا بس..!!

Rachid Tlemseni
24-10-2007, 05:05 AM
نعم من المغرب لـ برشلونه اخوي رشيد .. رخيصه مره والله .. ممكن حوالي 30 يورو اذا قصيت التذكره بـ وقت مبكر ..!!

اما عن تذاكر المباريات .. فـ هي تختلف على حسب من هو الفريق المقابل ..:)

مشكور اخوي و بروح انشاء الله :72: :72: :72: :72:

كروويف
24-10-2007, 12:49 PM
أبشـــركم طلعت الفيـــزا .. :x1:

والسفرة الخميس بإذن الله

بس صرااااحة " ســــوزان مو سهلة " :)




من ناحية الصرف اليوم رحت لعدة بنووك بس صراحة السعر غالي

هل أصرف من المطار ؟؟

وهل في بنووك تفتح الخميس علشان أروح أصرف منها ؟؟

وكيف أعرف أن تذكرة المترو والباص إنتهت ؟؟

hola
24-10-2007, 01:09 PM
هلا اخوي كرووويف على البركه التأشيره :)

واليوور يلعن امه مرتفع مره :(

بالنسبه لـ متى تعرف خلصت بطاقة الاندر جراوند ببساطه يكون مكتوب عليها متى تنتهي :)

كروويف
24-10-2007, 01:34 PM
الله يبارك فيك..

بس قصدي التذكرة الي بـ 7 يورو لـ 10 رحلات

هل لها مدة معينة ولا تنتهي اذا كملت العشر رحلات

hola
24-10-2007, 01:47 PM
تقصد اللي لها عدد محدود في الدخول ..؟

لأن عندهم اكثر من نظام في الاندر جراوند ..

فيه تذاكر الخاصه بـ اليوم او الاسبوع او الشهر

وفيه تذاكر خاصه بـ عدد مرات الدخول .. 10 .. 20 .. 50 وهكذا ..

اذا تقصد الثانيه فأنت كل مادخلت البطاقه بالمكينه .. حـ تشوف كم باقي لك .. يطلع لك الرقم الباقي لك من دخله :)

كتالوني مانشستر
24-10-2007, 02:50 PM
بيض الله وجهك يا ناصر والله انك ما قصرت
انا كنت متابع الموضوع هذا بشكل شبه يومي واستفدت منه كثير

انا الحمد لله خلصت اموري كلها وحجزت عند شذونة على الكات 2 لان كات 1 انتهت
بس في شي يا ناصر مدري انت تدري عنه والا لا؟؟ لاني ما اشوفك كتبت عنه

عبد المجيد راعي المكتب يقول اننا غيرنا الفندق وصار الباكج على فندق برنسيس صوفيا
عندك علم والا لا؟؟
وعندي سؤال ولا عليك امر:
المنطقة اللي حول فندق صوفيا منطقة حية والا لا؟؟ يعني هل فيها مطاعم محلات اسواق .....
وهل فيها محطات للاندرجراوند؟؟

][ D.Alves ][
24-10-2007, 03:33 PM
اهلين حبيبي ناصر
رجعت للرياض بعد الرحلة الطويييييييلة
رغم الخسارة امام فياريال الا ان الجيران عوضونا وهزموا مضريط وانا حظرت المباراة والملعب الأولمبي قمة في الروعة والمباراة كانت جميلة جداً جداً واللي اعجبني هدف تامودو قسماً بالله انه هدف خيالي وعلى كاسياس
مشكور على كل نصايحك والله يوفقك ويجزاك ألف ألف خير

hola
24-10-2007, 04:24 PM
بيض الله وجهك يا ناصر والله انك ما قصرت
انا كنت متابع الموضوع هذا بشكل شبه يومي واستفدت منه كثير

انا الحمد لله خلصت اموري كلها وحجزت عند شذونة على الكات 2 لان كات 1 انتهت
بس في شي يا ناصر مدري انت تدري عنه والا لا؟؟ لاني ما اشوفك كتبت عنه

عبد المجيد راعي المكتب يقول اننا غيرنا الفندق وصار الباكج على فندق برنسيس صوفيا
عندك علم والا لا؟؟
وعندي سؤال ولا عليك امر:
المنطقة اللي حول فندق صوفيا منطقة حية والا لا؟؟ يعني هل فيها مطاعم محلات اسواق .....
وهل فيها محطات للاندرجراوند؟؟
هلا والله ياعسل .. حلو يعني بنشوفك في برشلونه ان شاء الله :)
بالنسبه للأوتيل ايه وصلني الخبر انه تغير الاوتيل .. ومن جد برنسيسا صوفيا رهيب .. يكفي ان لاعبين البارسا بيسكنون فيه .. هوباااااااا هوبااااااااااا

منطقة برنسيسا صوفيا .. هي الليس كورتيس .. جنبهم سوق كبير بـ شارع الديخونال .. مثل شارع الملك فهد بالرياض :) وبرضو بعد هذا السوق فيه الكورت انجليس سوق ثاني وكبير بعد ..:)
ويكفي بالمنطقه هذي .. الملعب يبعد عنك دقيقتين على الاقدام :) هوبا هوباااا
بالنسبه للمطاعم .. ايه فيه مطاعم رهيبه بجنبهم .. مثل [[ بانز ( اللي في الرياض بالعليا ) .. سي سنيور هذا بجنب اوتيل الهيلتون .. لا بارمليا .. هذا مطعم بيتزا جنب الاوتيل لازق فيه :) .. ومطعمين برضو ايطاليه بجنبهم :) .. وبالسوق الثاني تحصل البرجر كنج :) وماك دونالدز :)

وبالنسبه لـ محطات الاندر جراوند .. ايوه فيه ثلاث ..
الاولى والثانيه على اللون الاخضر .. والثالثه على الاحمر
1- خلف الكامب نو .. وتبعد عن الاوتيل 7 دقايق على القدم .. وهي الليس كورتيس ..
2- قريبه من الاوتيل جداً جداً جداً .. تبعد ممكن دقيقه او دقيقتين . واسمها [[ ماريا كريستينا ]] وهذي المحطه اللي اعشقها انا بصراحه مدري ليه !!!
3- مدري وش اسمها بصراحه بس قريبه من الخوان كارلوس اوتيل تبعد 8 دقايق عن الاوتيل برنسيسا صوفيا .. على شارع ديخونال بالظبط .. :)

--

عاشق الامتاع طيب نبي التقرير ياحلوو :)

كتالوني مانشستر
24-10-2007, 08:12 PM
مشكور يا الغالي الله يوفقك يا رب
وان شاء الله نتقابل ببرشلونة

hola
24-10-2007, 09:24 PM
حياك الله حبيب قلبي :)

][ D.Alves ][
25-10-2007, 01:28 AM
هههههههههههههههههه
اي تقرير الله يهديك !!!
من كثر ما طولت نسيت وش سويت ؟!
لكن عموماً تعودنا على اوروبا ( بعد باريس كل مكان عادي )
لكن فعلاً ما توقعت انها تكون بهالروهة لأني توقعتها مدينه تاريخية وما فيها معالم الحضارة لكن يوم شفت الكامب نو تغيرت نظرتي لبرشلونه
واذا تبي تقرير اكتب لك لكن ما راح يكفي صفحة هههههه
الرحلة كانت طويلة فعلاً ولازم نكررها ونختصرها عشان نكتب لكم تقرير :)

hola
25-10-2007, 01:44 AM
اها اي سي اتضحت الصوره :)

][ D.Alves ][
25-10-2007, 01:59 AM
لكن الشي الغريب والعجيب انه ما فيه فرق شاسع بين جو الرياض وجو كاتلونيا !!!
عشان كذا مسألة التأقلم والتعود على الجو سهلة جداً
لكن فعلاً الله يذكر اهل كاتلونيا بالخير ابد ما شفنا منهم لاشر ولامشاكل
وبعضهم احسن من ربعنا بالراحة

][ D.Alves ][
25-10-2007, 02:10 AM
^^^^^^^^^
هذي ابرز واهم ملاحظات في هالسفرة

برشـــــلوني
25-10-2007, 09:39 PM
مساء الخير ياشباب

شكرا ياناصر على حسن تجاوبك ومساعدتك لنا , وبعد اذنك

انا جلست ادور وأنخّش في النت نخشت الموقعين هذولي عندهم عروض للتذاكر + تذاكر مع فندق ابغى رأيك ياناصر وكل اللي يعرف عنهم اي معلومهاللي لا حظته ان الموقعين صوره من بعض مع اختلاف الاسم والالوان فقط اسعارهم حلوه بس بصراحه متخوف

الاول
http://www.ticketsfc.com/eng/tickets/buy-tickets.aspx?id=1032&match=FC-Barcelona-v-Real-Madrid

الثاني
http://www.spainticketbureau.com/tickets/fc-barcelona.aspx

وشكرا

hola
25-10-2007, 10:29 PM
هلا يالغالي
الموقع الاول .. يقولك ان الـ CAT1 انتهت سولد اوت .. بس باين ان الموقع قوي ومو سهل يعني .. لأن شوف علامة بارسا اجنت ..!!

بس على فكره مكتوب لك انه لازم تدفع 65 يورو زياده عشان توصيل التكت لك ويوصلونك للملعب ثمن يرجعونك للستي سنتر ..!!

الموقع الثاني نفس الشيء يقولك الـ cat 1 سولد اوت :)

هلالي برشلونة
25-10-2007, 11:00 PM
بيض الله وجهك يا ناصر والله انك ما قصرت
انا كنت متابع الموضوع هذا بشكل شبه يومي واستفدت منه كثير

انا الحمد لله خلصت اموري كلها وحجزت عند شذونة على الكات 2 لان كات 1 انتهت
بس في شي يا ناصر مدري انت تدري عنه والا لا؟؟ لاني ما اشوفك كتبت عنه

سؤال بسيط.. انت اللي كنت في المكتب يوم السبت الماضي بعد صلاة العشاء..؟؟ لأني مريت على عبدالمجيد ولقيت واحد جالس عنده يحجز على الباكيج..!!

برشـــــلوني
26-10-2007, 01:57 AM
انا ناوي ان شاء الله الذهاب لبرشلونه قبل الكلاسيكو بأسبوع او اكثر
فيه مباره لبرشلونه اعتقد انها مع فلنسيا في فلنسيا هل فيه مكان حلو تنصحني اشوف المباره فيه
مثل مطعم او ...:d او ساحه او مكان عام

وشكرا

hola
26-10-2007, 01:58 AM
^^

فيه بار للبرشلونيين اللي يتحدثون باللغه الانجليزيه ..:) في شارع ادفاي روما ..:) بعطيك الوصف ان شاء الله قريب:)

برشـــــلوني
26-10-2007, 06:06 AM
ناصر اخوك احسن واحد بالعالم يتكلم لغه الاشاره :00000732: اللي سبق وانت قلت تنفعكم في برشلونه لا ومعها هزة راس بعد ( حشى بنقالي )
قال اانجليزي قال :ysab:

hola
26-10-2007, 07:30 AM
ههههههههههههههههههههه بس صدقني احسن لك من بارات الاسبان ..

الاسبان باراتهم مافيها طقاق :) لكن عند السكوتش والايرش .. [ برشلونيين طبعا] بتشوف الجنون بعينه :)

برشـــــلوني
26-10-2007, 07:40 AM
ايه والله ياناصر انا رايح ادور على المجانين هذولا بس دلني عليهم :eek:
عندي جنون مكبوت صار له سنين ابي اطلعه كله تكفى:D (الظاهر يبيلي شيخ يقرا على )

hola
26-10-2007, 02:52 PM
هههههههههههههههههههههههههههههههههههههههههههههههههه ههههههه اجل مالك الا حقين ادفاي روما ..

كتالوني مانشستر
27-10-2007, 02:51 AM
هلالي برشلونة ,,
لا والله يا الغالي ما لك لوا
انا كنت بالمتكب يوم الاثنين والثلاثاء

المو10هوب
28-10-2007, 01:53 AM
اخوي ناصر الله يعطيك العافية
مكتب شذونة وش وضعه مظبوط والا ما ينضمن وبعدين كيف اوصلهم وين موقعهم أرقامهم
وأقدر آخذ معهم غير السكن والتذكرة تذكرة الطيارة وش عندهم من عروض والله لايهينك

hola
28-10-2007, 01:56 AM
هلا يالغالي .. الله الله وضعه مظبوط ..
موقعهم في شارع الملك عبدالعزيز ..
هذا رقمهم 4502556 .. هذا موقعهم http://www.shadona.com/

Tomorrow's Doctor
30-10-2007, 06:05 PM
السلام عليكم
يعطيك الف عافيه على الموضوع المفيييييييييد
انا عندي سؤال واحد بس
لو ابي اجهز غرفتي من مركز برشلوونه ( اللي يبيعون فيه كل شي عن برشلونه مثل السراير والمكاتب وكل شي ) كم راح يطلع سعرها تقريبا ؟؟؟؟؟؟؟؟

hola
30-10-2007, 08:11 PM
والله مره غالي ..!! السرير اعتقد بـ 290 يورو ..:(

المكتب تبع الدراسه بـ 180 يورو .. وهكذا :)

Tomorrow's Doctor
30-10-2007, 08:42 PM
مشكووووور حبي
انا ما ابي الا السرير والتسريحه و(الكبت والتواليت ) مادري عاد انتو شنو تسمونهم والاكسسوارات يعني انشالله ماراح يتعدون ال700 او 800 دينار (صح ولا لا ؟؟؟)

hola
30-10-2007, 08:48 PM
800 دينار = 9000 ريال .. امممم اعتقد ايه ماتتعدى هالسعر .. ادخل موقع البارسا الرسمي وشوف هل الاسره + اغراض الغرفه بالكامل موجوده والا لا :)

Tomorrow's Doctor
31-10-2007, 06:21 PM
يعطيييييييييييييييييك واحد+مئه+الف+مئه الف+مليون+مليار+ترليون=عاااااااااااااااااااااافييي ييييييه

messi19aimar
31-10-2007, 10:35 PM
كابتن ناصر كنت عايز اعرف لو هسافر لوحدي اسبوع وفندق 3 نجوم مع تذكرة الماتش مع العلم اني مش هصرف كتيير يعني هصرف علي الوازم فقط كده تكاليف الرحلة تبقي كام وتنصحني بي ايه

hola
01-11-2007, 12:03 AM
طيب اي ماتش ؟ في تاريخ كام .. الاسعار بتختلف:)

messi19aimar
01-11-2007, 01:09 AM
لو في تاريخ 25 |11 ماتش برشلونة وريكرياتيفو في الكامب نو

Viva-Barca-92
01-11-2007, 02:22 PM
اخوي هولا اذا ابي احجز تذاكر للكلاسيكو القادم في الكامب نو ..

طبعا انا سمعت انهم خلصوا من زمان ولكن اذا اتعرف ناس في سوق السودا يبيعون التذاكر بلغني في اسرع وقت ..

ومشكوووور اخوي ..

hola
01-11-2007, 06:13 PM
لو في تاريخ 25 |11 ماتش برشلونة وريكرياتيفو في الكامب نو

اذا افترضنا ان الرحله فقط لـ الماتش .. وبتطلع من القاهره لـ برشلونه ..

فـ التكاليف مش حـ تكون كبيره .. يعني تذكرة المباراه افضل مقعد بـ 50 يورو .. وممكن قبل المباراه تحصلها بـ سعر اقل يعني 40 يورو !!

السكن ثلاث نجوم .. حـ تحصل بـ 60 يورو .. في اليوم

تذكرة الطائره والله مش عارف لكن الخطوط المصريه على فكره بـ توصل مباشره على برشلونه :)

الصرف اليومي المعقول يعني بتاع الاكل فقط .. 10 يورو !! اذا حـ تاكل من ماك وبرجر كنج وكده :)


طبعا انا سمعت انهم خلصوا من زمان ولكن اذا اتعرف ناس في سوق السودا يبيعون التذاكر بلغني في اسرع وقت ..

لا لسا باقي تذاكر الـ Cat 2 والـ Cat 3 :)

messi19aimar
01-11-2007, 07:32 PM
شكرااا هولا علي الافادة وان شاء الله في تقدم علي طول

Viva-Barca-92
02-11-2007, 01:47 AM
مشكووور اخوي هولا على الافاده ..

سلطاندينو
05-11-2007, 01:48 AM
أولا بغيت اشكرك على الجهد الذي تبذله لجميع الأعضاء بلا استثناء :keda:

وانا عندي اسئلة مهمة لأني ناوي السفرة بإذن الله وابغى منك المساعدة فيها:(

السفرة بإذن الله ناويها لبرشلونة لحضور مباراة البارسا ضد الفياريال بتاريخ 9 مارس 2008
مع أني ما لقيت خوي سفر لحتى الآن ..... :(


1- مارأيك بالأفضل لنوع تذكرة المباراة CAT1 أو CAT2 من ناحية المتعة الرائعة بالتشجيع
كذلك تصوير اللاعبين بطريقة رائعة, وهل اشتريها من موقع www.sportsemotions.com ولا لا, وماهو افضل وقت لشرائها؟

2- ما رأيك بالسكن في فندق خوان الذي اشرت بقربه من الكامب نو طول مدة السفر أسبوع ماعدا يوم المباراة سيكون بالفندق الذي سيستضيف اللاعبين لأني نيتي بالسفرة كلها التصوير مع اللاعبين والي فهمت منك اذا سكنت بنفس الفندق يمكنني الاحتكاك باللعيبة؟

3- وجدت رحلة على الخطوط التركية من الرياض الى برشلونة والعودة كذلك بـ 3500 ريال
تنصحني فيها ولا لا؟

4- كيف سيكون الجو ببرشلونة وانت عارف ان السفرة ستكون بنهاية 2 من العام الهجري القادم
وهل سيكون هناك ثلج ولا صقيع من البرد؟

5- بالنسبة للتأشيرة نصحت من قبل مشاركاتك استخراجها من مكاتب السياحة , فهل تعلمني بأي مكتب يالغالي؟:06:

6- مثل ماذكرت لك لم أجد خوي للسفرة وانا ناوي الجد فيها بإذن الله فهل تنصحني اسافر لحالي
ولا ادور لي واحد بأي طريقة؟:D


أدري والله أني كثرت بالأسئلة لكن انت قدها وقدودها يابعدهم كلهم......:keda:

hola
05-11-2007, 04:21 AM
هلا والله سلطان ..

1- مارأيك بالأفضل لنوع تذكرة المباراة CAT1 أو CAT2 من ناحية المتعة الرائعة بالتشجيع
كذلك تصوير اللاعبين بطريقة رائعة, وهل اشتريها من موقع www.sportsemotions.com ولا لا, وماهو افضل وقت لشرائها؟
طبعاً CAT 1 ..:)
وبالنسبه لـ تصوير الاعبين ان شاء الله مكانك يكون بالوسط عشان تقدر تصور بشكل افضل .. يعني انت ونصيبك بيني وبينك :(
بالنسبه للموقع اللي ادرجته .. على حسب علمي هو أضمن موقع بلاك ماركت ..
وكل ماعجلت بـ شرائها كلما كان السعر مُناسب .. لأن على فكره السعر يرتفع مع مرور الايام واقتراب المباراه

2- ما رأيك بالسكن في فندق خوان الذي اشرت بقربه من الكامب نو طول مدة السفر أسبوع ماعدا يوم المباراة سيكون بالفندق الذي سيستضيف اللاعبين لأني نيتي بالسفرة كلها التصوير مع اللاعبين والي فهمت منك اذا سكنت بنفس الفندق يمكنني الاحتكاك باللعيبة؟

فندق خوان كارلوس .. سلمك الله هذا خاص للاعبين الضيف .. يعني لاعبين ريال مدريد لاعبين اتليتكو مدريد وهكذا .. يعني بتشوف فيهم لاعبين فياريال اعتقد .. وانا قابلتهم هناك لاعبين الريال وصارتلي مشاكل معهم .. وبصراحه تقدر تحتك بالاعبين بشكل سهل للغايه لأن جماهيرهم بتكون خارج الاوتيل لكن انت بما انك ساكن بتقدر تشوفهم .. !! [ تراني احكي عن الفريق الخصم مو برشلونه يعني ]]

لاعبين البارسا تحصلهم في فندق [[ برنسيسا صوفيا ]] وبالنسبه للتصوير معهم فـ ارجع اقولك انت ونصيبك ..

3- وجدت رحلة على الخطوط التركية من الرياض الى برشلونة والعودة كذلك بـ 3500 ريال
تنصحني فيها ولا لا؟
السعر مُناسب والله .. بس مُتعبه شوي عشان الترانزيت !! بس بيني وبينك .. اذا انت بتطلع على الخطوط السعوديه .. او اي خطوط خليجيه وبتعمل تبديل طياره في باريس او مدريد فـ برضو متعبه :(

فـ الاسهل التركيه او الفرنسيه او الاردنيه !!

4- كيف سيكون الجو ببرشلونة وانت عارف ان السفرة ستكون بنهاية 2 من العام الهجري القادم
وهل سيكون هناك ثلج ولا صقيع من البرد؟

برد .. لكن بردهم حلو !! وبرشلونه مدينه مايشمون فيها الثلج :( مثلنا يعني:)

5- بالنسبة للتأشيرة نصحت من قبل مشاركاتك استخراجها من مكاتب السياحة , فهل تعلمني بأي مكتب يالغالي؟

والله المكتب اللي اتعامل معه .. مكتب الصرح .. شغلهم نظيف ومحترمين ..

6- مثل ماذكرت لك لم أجد خوي للسفرة وانا ناوي الجد فيها بإذن الله فهل تنصحني اسافر لحالي
ولا ادور لي واحد بأي طريقة؟
والله ياسلطان .. نصيحة أخ يعني .. خذ لك خوي :( بأي طريقه :) او تعرف على اسبان او كتلان في برشلونه عشان تتواصل معاهم هناك !! لأن بصراحه السفر بدون خوي ..!! ماهو سفر :)

انا رحت لبرشلونه .. لحالي .. يوم لعبوا ضد مدريد .. قابلة هناك شباب من المنتدى [ من الامارات اخواني واحباب قلبي ] لكن بصراحه تحس فيه نقص كبيرررررررررررررررررر في السفر بدون خوي :(
--

سلطان حياك الله .. واي استفسار انا جاهز يابعدي

سلطاندينو
05-11-2007, 07:23 AM
ماشاء الله عليك رديت بوقت قياسي وجاوبت على كل الأسئلة :keda:

طيب الله يبارك فيك بأي فندق تنصحني يكون سعره حليو بمكان قريب من الاندر قراوند
وهل الأفصل احجزه عن طريق الانترنت ولا عن طريق مكتب الصرح؟

وكم تبعد ماريبا عن برشلونة ولا وش الجزيرة القريبة وتكون شاطئية بحتة وينفع جوها بوقت سفري؟

بالنسبة للتذكرة تنصحني اشتريها من الموقع ولا وش الطريقة الأفضل لان سعرها بالموقع 140 يورو؟

أرجو اني ماتعبتك معي :sorry: لكن والله الرحلة انت عارف لازم اضبطها من ناس عندهم خبرة مثلك :)

مع تحياتي العطرة لك

Tomorrow's Doctor
05-11-2007, 04:18 PM
اخوي هولا انا كلمتك على غرفه النوم اللي من برشلونه
لو ابي اشحنها من هناك الى الكويت كم راح تطلع تقريبا ؟؟؟؟؟؟؟
وشكرااااااااا
الله يعينك علي<<<<<مزعج :)

hola
05-11-2007, 08:53 PM
كويتي ياسلام والله مدري كم اسعار الشحن

--

ماشاء الله عليك رديت بوقت قياسي وجاوبت على كل الأسئلة

طيب الله يبارك فيك بأي فندق تنصحني يكون سعره حليو بمكان قريب من الاندر قراوند
وهل الأفصل احجزه عن طريق الانترنت ولا عن طريق مكتب الصرح؟
اذا تبي تقابل لاعبين برشلونه .. وتؤمن بـ مسألة الحظ !! فـ اسكن طبعاً في اوتيل صوفيا .. سعره في البوكنج حوالي 160 يورو !! لكن بتحصله عند مكتب شذونه بـ سعر اقل !! وهو لاصق بالكامب نو .. بالاضافه الى ان بجانبه محطة ماريا كريستينا [ الاندر جراوند ]

وكم تبعد ماريبا عن برشلونة ولا وش الجزيرة القريبة وتكون شاطئية بحتة وينفع جوها بوقت سفري؟
برشلونه شاطئيه على فكره وشاطئها بارسلونيتا خيالي .. بالاضافه الى ان جنبها منطقه خياليه اسمها كوستا برافا .. شواطئ روعه بس ماتنفع للعوايل [ افهم عاد :) ] بس لاتنسى انك بتسافر بالشتاء والشتاء محد يروح للشاطي فيه !!
ماربيا بعيده طبعا للغايه .. اقرب منطقه مشهوره للعالم كله من برشلونه هي مايوركا :)

بالنسبة للتذكرة تنصحني اشتريها من الموقع ولا وش الطريقة الأفضل لان سعرها بالموقع 140 يورو؟
والله اشترها من هالموقع وافتك :)

!! . . ابوسعـــــود . . !!
07-11-2007, 03:37 AM
الســلامـ عليكمــ ,,

في شغـله مهمــه اكتشفتهــا قبـل دقايـق من تحــويل فلــوس الحجـز الى مكـتب شذونــه
انه لاسمـح اللـه بغيـت تكنسـل السفـره المبـلغ بالكـامـل لا يسمـح بإستــرجـاعه !!!

لأن مثـل منتمـ عارفيـن باقـي شهـرين على السفــره والـواحد مايضمـن ظـروفـه
واللـي يجبـرك على الحجـز الحيـن سالفـة الفـيزا لانهـا تاخـذ وقـت وبحـدود شهــر ,,

انا انصــدمـت بصـراحه لأن اللـي اعـرفه انه في حـالت الغـاء السفـر والحجـوزات
على الاقـل ياخذ الفنـدق حسـاب ليلـه او تقـريباً 10 % من السعـر الاجمــالي ,,

هذي نقطــه مهمــه وحبيــت اوضحهــا للأخــوان ,,

وياليـت من الاخــوان اللي في الكـويت واللـي سافـروا قبـل لـ برشــلونه يفيـدونـا بأسمـاء
مكـاتب السفـر اللي بإمكـانها المســاعده ,,

خصـوصاً الاخ ابوحصــــه لأني اذكـر نزل موضـوع عن سفـرته لـ برشــلونه ,,

تقبــلوا تحيــاتي ,,

hola
07-11-2007, 05:44 AM
^^

اعتقد لأنه [[ عرض ]] ومستحيل ترجع فلوس العرض ..

الاخ ابو حصه شرا التكت من موقع بلاك ماركت على ماعتقد ..

سلطاندينو
07-11-2007, 08:20 AM
تحية حارة لجميع اعضاء المنتدى الرائع

ولكل برشلوني وكتلوني:1:

لقد نويت باذن الله السفر لبرشلونة لحضور مباراة العمالقة :forcabarc ضد فياريال

والسفرة مدتها اسبوع وستكون من 3 مارس الى 10 مارس


المهم حطيت ببالي اسافر لحالي ليش لأن أصدقائي الشلة ضدي يعني
مايطيقون فريق كاتلونيا :ysab:

و العضو المتميز Holla نصحني بالبحث عن رفيق درب برشلوني طبعاً

لذا من عنده نية يخاوني ونروح نسير على الشباب رونالدينو وميسي :D

أرجو ان يراسلني على الخاص وسيكون لي الشرف في ذلك:06: :jupi:


أو يكون أحد الاعضاء ساكن ببرشلونة فيسعدني كذلك التعرف عليه:)


فلتحيا البرسا :flaga2:

معكم سلطاندينو يعني بالسعودي سلطان من الرياض:wavetowel

عاااشق بويول
07-11-2007, 07:37 PM
انا بغيت اسالك اخوي عن مصاريف السفرة ككل اذا كانت مجرد ثلاث او اربع ايام لحضور مباراة وارجع والسكن مستعد اسكن بشقة او غرفة ...

وهل مسموح اشاهد اللاعبين بالتدريب واوقع او اصور معهم وهل اقدر اتفرج على التدريب ..؟؟

وش احسن مناظر ..؟؟ ووين مكانها ..؟؟

ومشكووور وماقصرت..

hola
07-11-2007, 09:44 PM
عاشق بويول هالسؤال انسأل كثير .. راجع الصفحات السابقه ..

برڪان الڪامب نو
08-11-2007, 04:29 AM
ناصر كيفك ياغالي
تكفى نصور ملعب الكامب نو كم يتسع الان ظروووووري
لاتقول مااعرف
تكفى ياناصر

hola
08-11-2007, 05:04 AM
المسموح به .. حوالي 99 ألف ..!! لكن سابقاً كان 120 الف ..

برڪان الڪامب نو
08-11-2007, 05:06 AM
ناصر كم اكتب بالضبط 99 والا 120

hola
08-11-2007, 05:11 AM
قلتلك سابقاً كان يتسع الى 120 الف متفرج .. ثم صغروه الى 114 الف متفرج .. ثم الى4 10

والان اللي اعرفه اكبر معدل جماهيري كان 98 الف وشوي ..:) ضد الميلان في خوان غامبر ..!! قبل ثلاث سنين مدري سنتين :)

برڪان الڪامب نو
08-11-2007, 05:18 AM
طيب وش فيك عصبي عصبت الله يهداك

HEART-BARCA
08-11-2007, 10:22 AM
طيب بقولك شي بس لا تعصب
انا رحت امستردام وفرانكفورت وباريس
وش رايك انت الحين
هل تتوقع ان برشلونه افضل منهم ؟؟؟؟
وابغا اسالك يا ناصر
هل هناك متحف عالمي خاص بالمدينه وليس بالنادي؟؟؟

وبعدين بيني وبينك عندي زملاء اسبانيين مقيمين في برشلونه راح يساعدوني على الباقي
والله لا يهينك


اووه صح
تكفى قولي انك تعرف بيت تشافي؟؟؟
اوه وبعد نسيت
تنصح باستئجار سياره هناك؟؟
للعلم انها راح تكون اول مره اسوق سياره في دوله اوروبيه ؟يعني هل هناك تعقيدات في تأجير السياره؟؟

أخوك
ادريـــــــــس

hola
08-11-2007, 11:05 AM
ادريس .. مدري عن امستردام .. لكن برشلونه احلى من باريس وفرانفكورت على ضمانتي :)

وايه في متحف كتلوني ..

بالنسبه للسياره .. والله تحتاجها اذا انت في ميونخ او النمسا او سويسرا .. يعني عند المدن القريبه من بعض عشان تفرفرها :)

لكن في برشلونه انت بتجلس بالمدينه وبذلك الاندرجراوند افضل لك:)

بالنسبه لـ تشابي فـ بيته في مدينه ثانيه اسمها تيراسا .. مو من برشلونه :) وفي برشلونه يسكن في بيت خويته مع اهلها :)

ياحبي له :)

فتى الميلان
09-11-2007, 02:18 AM
ناصر حبيبي طلب صغير الي اغنية او نشيد البارسا قبل لاينزلوا الملعب مستحييييييل ماعندك نكفى يابن بلادي

hola
09-11-2007, 07:05 AM
والله يالاغاني عندي كل اغاني البارسا لكن .. قوانين المنتدى مانعه انزال الاغاني هنا .. وعن نفسي بيني وبينك مالها داعي اتحمل اثم غيري :(

ايام فيري سوري:(

HEART-BARCA
09-11-2007, 12:48 PM
هولا
أشهد انك هيس
الزبده انا بكلمك مره ثانيه وتكفى يا خوي شوف لي عنوان تشافي عشان اجيه سواء كان في عنوان بيته او عنوان بيت خويته
تشافي طلع موب سهل زبن عمره بلاش

اوووه سؤال أخير هل كيفية الحصول على تذكرة المباراه من السوق السوداء

سؤال آخر وش رايك في سرقسطه هل تنصح ازورها

الله يعينك علي
أنا احب اسال قبل أسافر.....................

hola
09-11-2007, 01:23 PM
السوق السوداء ..

1- من مواقع السوق السوداء

2- تجي قبل المباراه بـ ساعتين او اكثر تنتظر عند بوابات الكامب نو وبتحصل الناس تبيع التذاكر ..

--

سرقسطه والله مدري بصراحه ولا اعرف احد قد زارها !!

EXTREME
09-11-2007, 04:16 PM
قلتلك سابقاً كان يتسع الى 120 الف متفرج .. ثم صغروه الى 114 الف متفرج .. ثم الى4 10

والان اللي اعرفه اكبر معدل جماهيري كان 98 الف وشوي ..:) ضد الميلان في خوان غامبر ..!! قبل ثلاث سنين مدري سنتين :)

للمعلوميه فقط اكبر حظور كان قدام اليوفي ..

hola
09-11-2007, 10:43 PM
^^

انا اقول الآن .. منيب اقول في تاريخ البارسا ..!! يعني بعدما تم تصغير الكامب نو ..

ZR1
11-11-2007, 05:51 AM
شجاب برشلونه لامستردام ,, امستردام حق الــ Morguana لا اكثر ولا اقل قعدت فيها اسبوع بعد برشلونه والصراحه ماتسوى واسعارها ناار ,,
اما برشلونه مدينة سياحية ,, فيها اماكن سياحيه كثيره ماقصر اخوي هولا ذكرها لي لما كنت متواجد هناك بالصيف ,, يكفي الكامب نو و سقاردا فاميليا والرمبلا والبورتو اولمبيكو ,,

انا قعدت في برشلونه 10 ايام وماقدرت اروح كل مكان ,, انشالله الصيف الجاي لي روحه ثانيه ,,
وماقصر اخونا هولا دلانا على مقاهي فيها شيشه وهذا اهم شي :) ,,

واذا في احد حاب يروح مدريد ,, فمدريد مافيها الا السوق اعتقد اسمه السولو والملاهي تكون بعيده شوي ,, لكن الــ Nightlife في برشلونه افضل من مدريد :)

واذكر اخوي هولا لما سالته عنه ماربيا قالي كانك بالخليج وفعلا كلامه سليم ,, وانصح بالـــ Puerto Banus و Mijas و benalmadena مناطق جميله في ماربيا والبحر فيها رهيب
تحياتي ,,

hola
11-11-2007, 09:11 AM
^^

يالغالي الله لايهينك ياليت تتكلم عن مدريد وعن افضل المناطق فيها .. لأني لي زياره قريبه لـ مدريد ..!!

ZR1
11-11-2007, 11:14 AM
^^

يالغالي الله لايهينك ياليت تتكلم عن مدريد وعن افضل المناطق فيها .. لأني لي زياره قريبه لـ مدريد ..!!

هلا فيك اخوي هولا ,,
مدريد الصراحه منطقة جميله وهادئة يعني مو نفس المعمعه الي تشوفها في برشلونه ,, طبعا مافي زحمه ومدينه صغيره يعني ماهي كبيره نفس برشلونه ,, انا قعدت في مدريد اسبوع "صديقي بالسفر كان مدريدي للاسف" وزرنا السانتياقو برنابيو الي يعتبر الــ Center لمديد وفي ساحه جدامها متوفر فيها شغلات كثيره منها الكورتنجلس , ومطاعم كثيره نفس برقر كنق وفرايديز وبيتزا هت وفي شارع اعتقد اسمه خينرال كارلوس يكون قريب من وزارة الدفاع مقابل السانتياقو برنابيو في محلات تجارية ومقاهي كثيره والفندق الي انصح تسكن فيه الي هو holiday Inn Madrid ليلته تقريبا 55 دينار كويتي فندق حلو والغرف ممتازه فيه ويكون بوسط السنتر بينك وبين السانتياقو برنابيو دقيقتين مشي وجنب الفندق تحصل مجمع كبير في محلات تجارية ملابس رياضه وغيره وغيره وبعد الساعه 11 يبلش عندهم الــ Parties بنفس المجمع وتحصل فيه اماكن للتسليه :) وعندك السوق الي هو اسمه السولو يعتبر اكبر سوق بمدريد تحصل فيه كل شي والسوق هذا ممنوع تدخل فيه السيارات تدخله من الاطراف بس وبالوسط ساحات كبيره فيها كافيهات قعدتها ممتازه ,, وفي بعد منطقه يعني تقريبا بالتاكسي تاخذلها 15 دقيقه في ملاهي كبيره تكرم حديقة حيوان والعاب مائية والعاب للكبار يعني المنطقة ما تتوه فيها لانها صغيره وخيتافي "الله يلعنهم" بينها وبين السنتر حوالي 5 دقايق بالتاكسي وعندك سرقسطه تكون بعيده شوي بس مو البعد الكبير يعني من المطار لي سرسقطه 10 دقايق والي مدريد 10 دقيقه ,, بس اذا تبي تقعد في مدريد لا تزيد عن 4 ايام لانها العاصمه وعادة العاصمة ما تكون سياحية كثر ماهي تجارية ,,

تحياتي ,,

hola
11-11-2007, 12:58 PM
اها الله لايهينك والله ..

انا بوصلها الجمعه ان شاء الله الساعه 11 .. فـ أول شيء حاطه بـ راسي اني بزوره .. هو ملعب الـ فيسنتي كالديرون بأذن الله :)

طيب فيه مطعم بالتحديد تنصحني اني اروح له !؟

ZR1
11-11-2007, 06:25 PM
اها الله لايهينك والله ..

انا بوصلها الجمعه ان شاء الله الساعه 11 .. فـ أول شيء حاطه بـ راسي اني بزوره .. هو ملعب الـ فيسنتي كالديرون بأذن الله :)

طيب فيه مطعم بالتحديد تنصحني اني اروح له !؟

الله يسلمك ,,
بالسلامه انشالله ,, وملعب الفيسنتي مازرته لكن سالت عنه وقالولي قريب من السانتياقو حوالي 7 دقايق بالتاكسي ,,
اذا لك بالــ Junk food فماراح تتعب بمدريد ,, وفي كم مطعم تركي ومغربي تحصل اكل عربي فيهم بس مالهم امان المغاربه Take care منهم الاسبان بنفسهم يخافون من المغاربه ,,

انصحك بمطعم فرايديز اكله نظيف ومطعم راقي والقعده بالمطعم حلوه يكون خلف السانتياقو برنابيو داخل مجمع يتبع السانتياقو وفيها الــ Botiga لنادي مدريد وتحصل كم مطعم اسباني وتحصل كافيهات فيه مجمع ممتاز ,,

هذا الي انا حصلته بمدريد ولكن ممكن تحصلك مطعم لبناني او سوري ترتاح من ناحية الاكل ,,

تحياتي ,,

' N o u r
11-11-2007, 07:40 PM
اذا لك بالــ Junk food فماراح تتعب بمدريد ,, وفي كم مطعم تركي ومغربي تحصل اكل عربي فيهم بس مالهم امان المغاربه Take care منهم الاسبان بنفسهم يخافون من المغاربه ,,


اشمعنا يعني ,, ياخد باله من المغاربة ؟

][Sofia Joy][
11-11-2007, 07:53 PM
وفي كم مطعم تركي ومغربي تحصل اكل عربي فيهم بس مالهم امان المغاربه Take care منهم الاسبان بنفسهم يخافون من المغاربه ,,



اتنين مع بعض فيهم الامان

اما انت امين او غيرك

بس اعتقد امانتك مكفية

واعتقد هالمرة يعني اذا عندك بعض الحساسية او تعاني من ضيق شديد من دولة معينة

ماتحكي بلغة الجماعة فاقتصر على التحديد ولا بلهجة التعميم

لانك بتكون بسب غيرك

hola
11-11-2007, 08:49 PM
ياشباب .. نور الدين + صوفي .. الأخ اعتقد يقصد عن العصابات المغربيه باسبانيا !!

واعتقد هذا الشيء تعرفونه .. وسامعين فيه ..!!

وانا عن نفسي ثلاث مرات في برشلونه كدت ان انسرق بسبب بعض العصابات المغربيه ..!!

مع اننا نعلم بأن هذولي حثاله ولايمثلون المغرب الشقيق ولا الشعب المغربي ..

--

مشكور يالغلا على المعلومات

ZR1
11-11-2007, 10:25 PM
Pampered Girl + Francesco ,,,
اسمحولي انا ماكان قصدي الاساءة للمغاربه اجمع ولكن خاني التعبير ,,
وكل شعب فيه الزين وفيه الشين ,, لكن المغاربه موجودين بكثره في مدريد ,, وانا حصلتلي كم مشكلة معاهم بمدريد وامستردام خصوصا اذا كنت خليجي :) فحبيت انبه الاخ هولا على الشغله هذي انه ياخذ احتياطه لا اكثر ولا اقل ولا تاخذونها بحساسيه انا ماتكلمت الا مجرب ,,
وكل واحد عارف نفسه ,,

العفو ولو اخوي هولا ,,

تحياتي ,,

][Sofia Joy][
11-11-2007, 11:43 PM
بس قبل ان يخونك التعبير المرة الجاية

لازم تستوعب شو بتقول

لانك صغتها بطريقة غير حلوة يعني كانت شتيمة وعممت انت

بس بجوز زي ماحكيت بالمطاعم المدريدية الي هناك

اما عن برشلونة ماشفت هالشي الي بتقول عنه

بجوز لانك خليجي

فدي مغربي وخليجي مايختلفون عليها وعلى قولتك انت عارف ومجرب

وبخصوص قولتك عن الاسبانين انه بخافو هناك من الاكل المغربي

انا شفت العكس وكثير حالات

لو كان مافي امان من المطاعم لكان تم اغلاقهم ياعزيزي دي اوربا مو ببلد عربي

بس رجاءا هالمرة تستوعب الكلام قبل اعتماده لانه قارئ كلامك راح يفسره على كيفه

وذلك فقط تفاديا لافتعال المشاكل بين الاعضاء :)

ZR1
12-11-2007, 02:41 AM
بس قبل ان يخونك التعبير المرة الجاية

لازم تستوعب شو بتقول

لانك صغتها بطريقة غير حلوة يعني كانت شتيمة وعممت انت

بس بجوز زي ماحكيت بالمطاعم المدريدية الي هناك

اما عن برشلونة ماشفت هالشي الي بتقول عنه

بجوز لانك خليجي

فدي مغربي وخليجي مايختلفون عليها وعلى قولتك انت عارف ومجرب

وبخصوص قولتك عن الاسبانين انه بخافو هناك من الاكل المغربي

انا شفت العكس وكثير حالات

لو كان مافي امان من المطاعم لكان تم اغلاقهم ياعزيزي دي اوربا مو ببلد عربي

بس رجاءا هالمرة تستوعب الكلام قبل اعتماده لانه قارئ كلامك راح يفسره على كيفه

وذلك فقط تفاديا لافتعال المشاكل بين الاعضاء :)

اعتقد اني قلت اسمحولي وانا مو قصدي عن الاكل المغربي ولا عن المطاعم المدريديه الي يشتغلون فيها مغاربه ,, وماله داعي تستوعب مره ثانيه والكلام الي ماله داعي واذا على برشلونه فلا تعليق :)
وقلت من قبل الناس نوعين زين وشين واذا انتي وغيرج ناس محترمين فانا باسبانيا كلها من ماربيا ومدريد وبرشلونه تعاملت مع مغاربه والسبب صعوبة اللغه الاسبانيه وعدم المامهم بالانجليزيه وللاسف ومافيهم شخص ماحاول يستغلني لكن على مين :) ,,
اكرر اعتذاري مره ثانيه وانا ماكان قصدي اعمم ولكن هذا الي صار وانشالله مافي مشاكل مع اي عضو ,,

تحياتي ,,

hola
12-11-2007, 07:39 AM
يعافيك ربي على الغالي وتم ايضاح مقصدك .. مع انه واضح من الاساس للناس اللي تعرضوا لهالاشكاليه ..

الأخت صوفي واي اخ ثاني .. ياليت ردودنا تكون عن السفر وغيره .. في هذا الموضوع .. غير كذا بيتم حذفه

برشلوني العنيد
13-11-2007, 03:36 AM
السلام عليكم اخوي ناصر , اولا مشكور على الموضوع اللي دوخ راسي والله , وانا خلاص مصمم اني اروح احضر مباراة ( برشلونة * ريال مدريد ) في الكامب نو , وودي انك تقول لي ايش هو افضل موقع لشراء تذكرة المباراة منه , واذا فيه اكثر من واحد , فأي واحد الارخص شرط يكون مضمون , وانا بودي ان اجلس في مكان حلو , يعني كات 1 او كات 2 و في النص واذا كات 1 ماتفرق كثير عن كات 2 راح اخذ في كات 2 بس بشرط انها تكون في النص , وعلى فكرة انا حاليا موجود في السعودية وراح اكون متواجد في بريطانيا انشاء الله في 15/16 ديسمبر , وودي ان اكون في برشلونة يوم 21 على الاقل , فما هي افضل طريقة وارخص طريقة للذهاب من لندن لبرشلونة اذا عندك خلفية عن هذا الامر, واذا على وين يوصلوا لي التذكرة خوياني موجودين في بريطانيا , واقدر اكتب بريدهم هناك ,و اذا انك رايح وودك في خوي , انا حاضر .......................... اخوك / برشلوني العنيد ,,,,,,,,,,,,,,,,

ملاحظة / ارجو منك الرد سريعا لأن مافي وقت ,,,,,,,,,,,,, وآسف على الاطالة

hola
13-11-2007, 06:16 AM
يالغالي .. الان التذاكر ارتفعت اسعارها

وهذا الموقع تقدر تشتري منه التذكره وانت مطمئن

www.barcelona.com .. اضغط على تكت ماتش بعدين بارسا ضد مدريد بعدين اختر CAT1 هو افضل مقعد .. سعر التذكره الان بـ 600 يورو وحاجه ..

لازم قبل ماتقص التذكره يكون عندك حجز في اوتيل بـ برشلونه عشان اول ماتوصل لـ مدينة برشلونه وتوصل الاوتيل حقك .. تحصل تذاكرك بشكل مباشر :)

من لندن عندك خيارات كثيره للغايه .. للسفر لـ برشلونه .. من مطار ستانستد .. شوف طيران ايبيريا ارخص شي اعتقد ..

وانا ان شاء الله بتشوفني هناك :)

silverstone131
13-11-2007, 03:02 PM
هولا .. اذا مباراة برشلونة عادية يعني مش بأهمية كلاسيكو .. هل السعر ينخفض ؟؟ وكم سعر التذكرة اذا كان المقعد قريب على الملعب .. او متوسط .. بالدرهم الأماراتي أو الريال السعودي الله يخليك .. شكرا

برشلوني العنيد
13-11-2007, 07:56 PM
يالغالي .. الان التذاكر ارتفعت اسعارها

وهذا الموقع تقدر تشتري منه التذكره وانت مطمئن

www.barcelona.com .. اضغط على تكت ماتش بعدين بارسا ضد مدريد بعدين اختر CAT1 هو افضل مقعد .. سعر التذكره الان بـ 600 يورو وحاجه ..

لازم قبل ماتقص التذكره يكون عندك حجز في اوتيل بـ برشلونه عشان اول ماتوصل لـ مدينة برشلونه وتوصل الاوتيل حقك .. تحصل تذاكرك بشكل مباشر :)

من لندن عندك خيارات كثيره للغايه .. للسفر لـ برشلونه .. من مطار ستانستد .. شوف طيران ايبيريا ارخص شي اعتقد ..

وانا ان شاء الله بتشوفني هناك :)

مشكور اخوي ناصر , ولكن هل انت متأكد انه لازم يكون عندي حجز فندق قبل ما اقص التذكره ؟؟ يعني ما يرسلوها لي بالبريد بعد اسبوع او اسبوعين للسعودية ؟؟؟ وهل في امكانية ان احصل عليها من حول الملعب يوم المباراة ؟؟ واذا انك تقول بتكون هناك , فهل عندك حجز فندق ؟؟ واذا عندك انا ممكن ارسلك فلوس تذكرة المباراة وانت تاخذها لي وبعدين الاقيك في برشلونة ..... ياليت الاقي عندك الرد الشافي ............. وتسلم على التواصل ,,,,,,,,,,,,,

hola
13-11-2007, 10:53 PM
يالغالي برشلوني .. ايه متأكد 100% انه لازم تحط عنوانك بـ اسبانيا .. فيه مواقع ثانيه تقولك حط عنوانك ببريطانيا ..!! بس بصراحه فيها خطوره .. أمكانية التسليم يد بـ يد مستحيله ..
انا عندي حجز بـ فندق برنسيسا صوفيا .. وابشر بـ عزك .. بس عشان اريحك بدال ماتعطيني الفلوس لأني في الأخير لازم ادفعها من الفيزا ..
روح سلمك الله لـ مكتب شذونه في الرياض .. اللي كتبت عنه عنوانه سابقاً .. واشتر من عندهم التذكره .. واذا سألوك عن التسليم .. قولهم ياليت يستلمها عني ناصر آل ثنيان .. في نفس الاوتيل حقه يعني على حجز ناصر ..
ياليت اذا رحت لهم تكلم واحد اسمه [[ عبدالمجيد ]] لأنه هو اللي يعرفني .. وماراح يقصر ان شاء الله

برشلوني العنيد
14-11-2007, 01:41 AM
يالغالي برشلوني .. ايه متأكد 100% انه لازم تحط عنوانك بـ اسبانيا .. فيه مواقع ثانيه تقولك حط عنوانك ببريطانيا ..!! بس بصراحه فيها خطوره .. أمكانية التسليم يد بـ يد مستحيله ..
انا عندي حجز بـ فندق برنسيسا صوفيا .. وابشر بـ عزك .. بس عشان اريحك بدال ماتعطيني الفلوس لأني في الأخير لازم ادفعها من الفيزا ..
روح سلمك الله لـ مكتب شذونه في الرياض .. اللي كتبت عنه عنوانه سابقاً .. واشتر من عندهم التذكره .. واذا سألوك عن التسليم .. قولهم ياليت يستلمها عني ناصر آل ثنيان .. في نفس الاوتيل حقه يعني على حجز ناصر ..
ياليت اذا رحت لهم تكلم واحد اسمه [[ عبدالمجيد ]] لأنه هو اللي يعرفني .. وماراح يقصر ان شاء الله

مشكور حبيبي وما تقصر والله , و انا راح اكلمهم بكره واشوف اذا عندهم فرع في الشرقية او لا , واذا لا انا عندي صاحبي يشتغل في الرياض راح اخليه يمر المكتب ويضبط الامور واذا انشاء الله كل شي صار اوكي راح اكتب لك , واستفسر منك متى بتكون موجود في برشلونة بالضبط وكيف الاقيك والامور الثانية ,,, وتسلم على التواصل ,,,,,,,,,,,

hola
14-11-2007, 08:33 AM
ماعندهم فرع للأسف في الشرقيه .. وانتظر ردك علي وأبشر بعزك .. :)

silverstone131
14-11-2007, 11:56 PM
هولا .. اذا مباراة برشلونة عادية يعني مش بأهمية كلاسيكو .. هل السعر ينخفض ؟؟ وكم سعر التذكرة اذا كان المقعد قريب على الملعب .. او متوسط .. بالدرهم الأماراتي أو الريال السعودي الله يخليك .. شكرا

hola
15-11-2007, 04:18 AM
طبعا ينخفض .. السعر المعقول في مقعد مميز حوالي 60 يورو .. يعني قول 290 درهم اماراتي

L.MeSSi &&&$
15-11-2007, 02:14 PM
مشكورررررررررررررررررر والله هذا شي طيب

silverstone131
15-11-2007, 02:48 PM
طبعا ينخفض .. السعر المعقول في مقعد مميز حوالي 60 يورو .. يعني قول 290 درهم اماراتي

29 درهم .. معقد مميز .. ومشاهدة البرشا !!! والله روعة !!! ان شاء الله احضر كلاسيكو .. وهذه حلمي .. في الكامب نو أكييد .. شكرا هولا ..

hola
16-11-2007, 03:24 AM
مو 29 درهم .. 290 ..:)

EXTREME
16-11-2007, 03:48 AM
88

هههههههههههههه حرام هبطت من معنوياته ..

برشلوني #
19-11-2007, 08:25 PM
يا عمي اسمحلي كل هاذ الموضوع اقتباس في اقتباس والله ما فهمت شي وشكرا

hola
20-11-2007, 10:35 AM
^^

حياك الله :)

هجر
20-11-2007, 10:52 AM
مشكور ناصر

كتالوني مانشستر
20-11-2007, 07:03 PM
ناصر اخوي انا سمعت ان الكلاسيكو تاجل كم يوم
صدق هذا الكلام والا لا
والله اذا كان صدق مشكلة
تاكد يا الغالي الله لا يهينك

hola
21-11-2007, 02:02 AM
لا يالغالي مايقدرون يأجلونه ..

المباراه بنسبة 99% بتكون يا 22\12 يا 23\12 ..

الاخبار اللي تطلع الان يقولون لك بأن البارسا والريال يريدون تقديم المباراه لـ تاريخ 21\12 اللي هو يوم الجمعه .. ولكن الاتحاد الاسباني والقنوات التلفزيونيه الى الان رافضين هالفكره جملتاً وتفصيلا ..

كتالوني مانشستر
21-11-2007, 12:48 PM
ان شاء ما تتاجل ولا يتغير موعدها
الله يطول بعمرك يا ناصر ما قصرت

أحمد الرويعي
23-11-2007, 09:01 PM
ناصر .. شلونك شخبارك عساك بخير .. ,,


ممكن توصفلي حركه السير حول الكامب نو واجواءها ..؟؟

وحول الكامب نو شنو المباني اللي قدامه ..؟؟

وشكراًَ ..


أحمد

hola
24-11-2007, 11:10 AM
الله لايهينك كتلوني ..

ممكن توصفلي حركه السير حول الكامب نو واجواءها ..؟؟
في وقت المباريات خياليه ..

قدام الكامب نو فيه شارع كبير للغايه اللي هو الديخونال .. اشهر وأهم شارع في برشلونه

وحول الكامب نو شنو المباني اللي قدامه ..؟؟

اللي جنبه كلها بيوت .. عاديه . او اوتيلات كبيره مثل صوفيا وخوان كارلوس .. وبيت خوان غامبر ..

أحمد الرويعي
24-11-2007, 11:23 AM
عودة مرة اخرى ياناصر ... <<<< مقزرها خخخخخخخخخ


انزين ..


مطار مدريد (شلونه) من ناحية الامن والتنظيم ..؟؟


بالنسبه للمتحف حق النادي و (السوق) اين يقع بأي مكان .. وشلون اسعاره ؟؟


ويعطيك العافيه ..

hola
24-11-2007, 12:45 PM
مدري والله عن مطار مدريد .. بس اللي اعرف انه افضل واكبر من مطار برشلونه .. عشان كذا الكتلان كل يوم مسوين مظاهره عشان تطوير مطارهم ..

ان شاء الله بعد شهر اجاوبك عن مطار مدريد :) وعن مركز مدريد التدريبي وحق اغراضهم الخاصه

Abo joud
26-11-2007, 11:20 PM
السلام عليكم يا اعضاء......

فضلت عدم إنزال موضوع منفصل لارسال رسالة لكم..............

شخصيا رايح على ملعب ليون - ملعب جيرلاند - عشان أشوف المباراة ليون و البارشا ، فاذا حد من شباب المنتدى بيروح أو تعرفون حد رايح ، ارسلوي عالخاص لتبادل الارقام -إن أحببتم- و بالتالي نتشرف بمعرفتكم.....

حكون أنا و صاحب لي من دولة قطر الشقيقة.....

تحياتي للجميع

أحمد الرويعي
26-11-2007, 11:32 PM
عودة ثالثه .. <<<< تحمّلني ..


ابي متحف برشلونة اللي داخل الكامب نو اللي هو السوق اللي فيه التشيرتات والبناطيل ..؟؟

بالنسبه للموقع .. والاسعار ..؟؟ (:

hola
27-11-2007, 01:50 PM
Abo joud .. ماشاء الله عليك .. عيني عليك بارده .. فيه واحد من الشباب بيحضرها .. اسمه محمد ال الشيخ .. بس المشكله ماهو يشارك معنا :( الزبده حـ يكون في نفس الملعب برضو بس مع جماهير ليون !!! مع انه برشلوني .. المهم يالغلا ننتظر منك التقرير :)

--

ابي متحف برشلونة اللي داخل الكامب نو اللي هو السوق اللي فيه التشيرتات والبناطيل ..؟؟

بالنسبه للموقع .. والاسعار ..؟؟ (:
الميغا ستور [ المكان اللي ينباع فيه امور البارسا ] يختلف كُلياً عن المتحف البرشلوني اللي يعرض لك تاريخ البارسا وحاضره ومستقبله ..!!

لكن يربط بينهم جسر .. من الكامب نو .. لـ محل المبيعات

برشلوني #
27-11-2007, 02:52 PM
ياشيخ انت لا تقول لناس كذا لو رحت اتفل في وقجهي (* *)

hola
27-11-2007, 03:52 PM
^^

سلمات !؟

أحمد الرويعي
27-11-2007, 07:19 PM
ههههههههههههههههههههههههههههههههههه

حلوة ناصر ’’


ناصر اشكرك على الاجوبة الكافية ويعطيك العافيه ,,

ولــــــــــي عودة ..

MohamedWVU
28-11-2007, 03:01 AM
معليش .. ناصر .. أسئلتي خاشه عرض تقريبا ..

* وش رايك بـ المانيا ... وخاصة ميونخ ..

*هل تقارن ميونخ بـ برشلونه ..

وشكرا يا غالي :)

hola
28-11-2007, 03:06 AM
^^

ميونخ مدينه لها عشق خاص في قلبي ..

بـ اختصار ميونخ مدينه اوروبيه بحته :) يعني طبيعه خياليه .. راحه نفسيه .. هدوء وروقان .. لكن اللي خربوها العرب اللي سكنوا فيها العماله يعني :( زادوا بشكل مو طبيعي ..
تعامل الالمان الراقي كـ شعب بصراحه يعتبر اوروبي بحت !!

برشلونه على العكس تماماً .. مدينه شاطئيه .. صايعه شبابيه .. حركه .. شغاله للفجر المدينه .. يعني مدينة شباب بأختصار .. وماتحس انها اوروبيه بـ حركتها وجنونها تحس انك في مدينه عربيه !!

XAVI_KSA
28-11-2007, 09:15 AM
عندي سؤال الله لايهينك ناصر
انا نويت اروح بآخر الصيف ان الله سهل وبسكن في فندق عادي مابه زود دراهم هههههههههه
يمديني وانا هناك احجز بالبرنسيسا صوفيا اللي يسكنون فيه اللاعبين مثلا لو يوم واحد اتصور مع اللاعبين وامشي:d ؟ او لازم كل شي من هنا ؟

بعدين انا بالرياض ولا عندي خبرة بخصوص كم تتأخر التأشيرة وهل هم يستقعدون ولا شغلهم سريع سريع ؟

سؤال اخير انا أكل واجد :d مدري وش اكثر شي ياكلونه هناك في برشلونة وهل اكلهم كويس ولا لا .. غير كذا لاتقولي ياكلون خنزير تنسد نفسي اخاف ادخل مطعم ما اعرف اهرج اسباني يحطون لي خنزير <== بلا من دباشتك :d
طيب فيه مطاعم مندي او شواية <== مشكلة السعوديين :(

آسف على الاطالة ناصر

EXTREME
28-11-2007, 06:59 PM
الله يقويك اخوي ناصر على الإفادات ..


وأحب اسألك ( إذا زرت مدريد من قبل ) هل هي افضل من برشلونه ؟؟ لأن في واحد من جماعتنا

سوا تور حول اوروبا من ماربيه ( الظاهر اسمها كذا ) إلى مونترو سويسرا :) ..

Musha'l
29-11-2007, 06:29 AM
^^^^^^^^^^^^^^^^^^^

اعذروني على اللقافه ..

الذوق عزيزي يختلف من شخص لأخر .. وايضا على ماذا يبحث الشخص في الرحله .. البعض اللي يحب الطبيعه والبعض اللي يحب صخب المدينه .. والبعض يحب التسوق .. والبعض يحب الشواطيء .. والبعض يحب المتاحف والمعارض .. وكثيرين المطاعم !!
وايضا وقت الزياة للمدينه له تأثير ايضا ..!!

مقصدي انك ستجد آراء مختلفه من شخص لأخر .. افضل حل اذا اردت اختيار مدينه ان تضع قائمه بما يهمك وبما تحب وتبحث عن مزايا كل مدينه .. عندها بأذن الله تعالى ستتوفق في اختيارك

واعذرني يا ناصر على اللقافه ههههههههههههههههههههههههه انا مسوي فراس اليوم

برشلوني وفتخر1
29-11-2007, 03:27 PM
مشــــــــكور اخوي على النوضوع ,,,

hola
29-11-2007, 07:02 PM
عندي سؤال الله لايهينك ناصر
انا نويت اروح بآخر الصيف ان الله سهل وبسكن في فندق عادي مابه زود دراهم هههههههههه
يمديني وانا هناك احجز بالبرنسيسا صوفيا اللي يسكنون فيه اللاعبين مثلا لو يوم واحد اتصور مع اللاعبين وامشي:d ؟ او لازم كل شي من هنا ؟

بعدين انا بالرياض ولا عندي خبرة بخصوص كم تتأخر التأشيرة وهل هم يستقعدون ولا شغلهم سريع سريع ؟

سؤال اخير انا أكل واجد :d مدري وش اكثر شي ياكلونه هناك في برشلونة وهل اكلهم كويس ولا لا .. غير كذا لاتقولي ياكلون خنزير تنسد نفسي اخاف ادخل مطعم ما اعرف اهرج اسباني يحطون لي خنزير <== بلا من دباشتك :d
طيب فيه مطاعم مندي او شواية <== مشكلة السعوديين

آسف على الاطالة ناصر
الله يرجك .. والله يالغالي تقدر تحجز في برنسيسا صوفيا يوم واحد ولكن حاول تحجزه بـ شكل مبكر يعني لأنهم بيعرفون مقصدك انك جاي تتقصد الاعبين :)
بالنسبه للـ تأشيره .. فـ اعمل عليها قبل السفره بـ شهر عشان ماتكون تحت الضغط .. وانصحك تروح لـ مكتب كبير للسياحه عشان يطلعون التأشيره بسرعه !! وبأنتظام .. مو المكاتب الصغيره ..
يعني رح للطيار او الصرح ..

بالنسبه للكل .. برشلونه بتحصل فيها المطاعم الهنديه الصينيه العربيه الايطاليه الاسبانيه الاتينيه يعني كل شي تبيه بتحصله ماعدى المندي ههههههههههههه

--

الله يقويك اخوي ناصر على الإفادات ..


وأحب اسألك ( إذا زرت مدريد من قبل ) هل هي افضل من برشلونه ؟؟ لأن في واحد من جماعتنا

سوا تور حول اوروبا من ماربيه ( الظاهر اسمها كذا ) إلى مونترو سويسرا ..
والله للأسف ماقد زرتها .. لكن ان شاء الله بعد اقل من 20 يوم بـ زورها .. واعطيك العلم :)

مشعل الله لايهينك لاتقطع هالاضافات الحلوه :)

أحمد الرويعي
29-11-2007, 11:26 PM
نصوور ,,

ممكن تقولي اي الصفحات اللي سابقه فيها الاسعار تذاكر والفنادق والتكاسي ؟؟


لانني تعبت وانا ادور ؟؟

hola
30-11-2007, 04:02 AM
والله ماحفظت الصفحات بس تذاكر مين بالظبط ؟

محمد المدهون
30-11-2007, 12:49 PM
ناصر .. روحتك لمدريد بعد 20 يوم راح تكون بقصد حضور الكلاسيكو في الكامب نو؟!!

يعني أنت زاير أسبانيا لهالمقصد .. ؟؟

خصوصاً إنه باقي على الكلاسيكو 20 يوم فعلاًَ أو أقل أو أكثر بقليل ,,

و هل المفاجأة الكبرى اللي كاتبها فهد في توقيعه متعلقة بهالسفريّة :D ..

أحمد الرويعي
30-11-2007, 01:35 PM
ناصر ..


تذاكر مباريات الدوري الاسباني بالكامب نو ((المباريات العاديه)) يعني ((برشلونة-راسينغ)) .. الخ


وتذاكر التنقل بالتاكسي ؟؟

واليورو كم ريال؟

hola
30-11-2007, 01:52 PM
محمد .. روحتي على مدريد بزنس ان شاء الله

اما مفاجئة فهد والله مدري عنه .. تعرف الحلو يخطط بدون مايقول لأحد :(

--

أسد .. بتحصل تذاكر الريسنغ من 30 يورو الى 80 يورو

التاكسي غالي بصراحه كـ تنقل يعني من المطار لـ وسط المدينه بـ 30 يورو

واليورو الآن خمسه ونص اعتقد !!

أحمد الرويعي
30-11-2007, 02:42 PM
ناصر كفييت ووفييت .. !!

يعطيك العافيه ..


ولي عودة ..

تحملني ..

هلالي برشلونة
02-12-2007, 12:14 AM
واعذرني يا ناصر على اللقافه ههههههههههههههههههههههههه انا مسوي فراس اليوم

كذا.. والله ما تستاهل.. هذا وأنا أقول لناصر نبي نتعشى معه أول ما يوصل للرياض.. هذا وجهي إن جيت أسلم عليك أصلا أنت وصلعك..!!

Oo BARCA oO
03-12-2007, 01:58 AM
هلا ناصر .. كيفك ..؟

ناصر انا معزم انا وواحد من العيال اننا بنطلع للكلاسيكو بإذن الله ، وبصراحة ماادري وش الطبخه ..

يعني لو فرضا باحجز وين احجز ..؟

ووش اقرب حجز لملعب الكامب نو ..؟

وكم سعرة التذكرة لأقل أقل درجة ..؟

اتمنى انك تكوش على كل اسئلتي وتجاوبني يابو ثنيان الله لايهينك ، واذا عندك اي معلومات اضافية

وحاب تفيدني فيها تراك بتكسب فيني اجر ..

سلام ياصاحبي

hola
03-12-2007, 04:46 AM
ارحمهم ... انسى والله خلاص معد يمدي !! اذا تقصد في ملعب البرنابيو فـ اوكي ..

•● AAMER JR ●•
03-12-2007, 04:51 AM
أخوي ناصر
أنا أقترح لو نتجمع كذا عضو في الفورسا البارسا ونطلع جروب على برشلونه
منها نفيد ونستفيد

hola
03-12-2007, 04:52 AM
ان شاء الله .. مع الزمن ليه لا :)

•● AAMER JR ●•
03-12-2007, 04:54 AM
:( ^^^ متى ياناصر؟:( :(
والله نفسي أروح اليوم قبل باكر:06:

I N I E S T A
04-12-2007, 04:40 AM
السلام عليكم ورحمة لله وبركاته ..

كيفك أخوي ناصر ؟ .. عساك بخير وصحه عافيه .. !!

أقولك يالغالي .. بغيت أستفسار بسيط لو سمحت ..

أنا أبغى مجموعة " شالات " لبرشلونة ..

هل تعرف محل " بالضبط " يبيع شالات لبرشلونة بمكة المكرمة أو جدة على الأقل .. !!

ثانياً .. كم سعر الشالات في برشلونة " أبغاها بالسعودي " وكيف أقدر أشتريها من هناك .

لإني صراحه أبغى كم شال للبارسا عشان أتزين بهم وأجهزهم للكلاسيكو إن شاء الله :)

hola
04-12-2007, 06:04 AM
^^

عليكم السلام ..

والله يالغالي في مكه وجده ماعرف .. ولا حتى في الرياض :(

لكن أسهل طريقه تطلبها من موقع البارسا الرسمي .. سعر الـشال بـ حوالي 45 ريال ..!!

لكن فيه محلات بـ الرامبلا بـ ببرشلونه يبيعونها بـ حوالي 7 يورو .. واليورو بـ 5 ريال ونص وعليك الحساب

برڪان الڪامب نو
04-12-2007, 02:23 PM
السلامـ عليكمـ هولا كيف الحال ناصر عساك على القوه

وان شاء الله تعالى لو صار اللي في بالي

ماراح اسألك عن كتلونيا راح تشوفني اطق باب بيتكمـ وين ناصر

واشيلكـ على كتلونيا زين ياناصر
بس انت قول امين يصير اللي في بالي

والله يسعدكـ دنيا واخرة يارب

والحمد لله مافيه زعل ولا شي

تحياتي

hola
04-12-2007, 06:47 PM
ان شاء الله يصير اللي ببالك يابركان :)

I N I E S T A
04-12-2007, 07:48 PM
طيب يا ناصر .. أنا ما أعرف الطريقه بالضبط .. وما عندي أيّ خلفيه عن ذلك نهائياً .. !

وش رايك لو تطلب أنت عن طريق الإنترنت .. ثم بعد ذلك أرسلك المبلغ على حسابك الخاص !؟

وبعدين متى تصل لو طلبتها اليوم ! ؟

لإني صراحه أبغاها ضروري جداً ..

hola
05-12-2007, 08:20 AM
والله يالغالي الوضع سهل مايبيله شي .. ادخل موقع البارسا الرسمي .. ثم شوبينغ [ تسوق ] .. واختار الاشياء اللي تبيه .. وبعد كذا تدخل على السله .. وتحط معلوماتك وعنوانك باللغه الانجليزيه .. وتضع الفيزا حقتك .. وبس توصلك على بيتك اذا تبغى او على الـ Dhl في مدينتك وبأسمك وانت تروح تستلمها ..

مناجي الخواطر
07-12-2007, 04:16 PM
السلام عليكم اخوي ناصر

ويشرفني التواجد في موضوعك

وانا ان شاء الله اكون حاضر بالكلاسيكو

لكني ساكن بفندق رويال على الرامبلا

واشكر لك جهودك في المنتدى وفي خدمة الاعضاء ياغالي

سؤالي بس عن الخطوط الداخلية

لاني راح اخذ الخطوط السعودية من الرياض لمدريد

وودي اعرف وش هي افضل خطوط داخليه اطلع بها من مدريد لبرشلونه ذهاب وعودة

واذا فيه موقع لهم او اسعار بس تكون غير طيران spanair

روني البرشلونه
07-12-2007, 06:31 PM
بسم الله الرحمن الرحيم ....
والله ما أدري إيش أحط أيقونة الموضوع بكاء أم ضحك هههههههههه لكني وضعت الأيقونه المناسبه :keda:
وعدني الوالد بأني سوف أذهب لبرشلونه إذا حققت نسبة ال98%
لكن أنا في الثاني ثانوي ونظامنا بالممكله من ناحية الثنويه العامه هي نسبة تراكميه (يعني يجمعون نسبة ثاني وثالث ويقسمونها على ثنين )
الوالد نضرته مستقبليه على العموم ما أبي إلا دعواتكم لكن المهم بالموضوع هو أني سوف أسافر لوحدي لأن أهلي يبون ماليزيا <<<والله والله والله ما أدري إيش يبون فيها
يعني نكبه
ألي أبيه منك تفيدوني بكم كلمه أمشي بها وضعييييييييييييييييييييييي
للمعلوميه أنا أعطي نفسي باللغه الإنجليزيه 65% أو أقل
هل هم يتعاملون باللغ الإنجليزيه أم أنهم متعصبون حتى باللغه؟؟؟؟؟؟؟؟؟؟
أرجوا الإفاده

BLAUGRANA MAN
07-12-2007, 06:50 PM
أولا:لازم تشد حيلك وتجيب النسبه المطلوبه للسفر, والا ما في سفر من أصله:D

ثانيا:عندك موضوع لــ"ناصر",,,"hola " يمكن راح يفيدك ان شاء الله:
[[ لمن يريد السفر لبرشلونه .. يسأل .. وهولا يجيب ]] ( فنادق * تذاكر مباريات * تنقل ) (http://www.forcabarca.com/vb/showthread.php?t=108886)

hola
07-12-2007, 10:40 PM
روني .. ربي يعينك ان شاء الله .. انت لين جبت النسبه حط سؤالك مره ثانيه وابشر بالاجابه

--

مناجي الخواطر .. حياك الله يالغلا .. ونشوفك ان شاء الله في الكلاسيكو او في مدريد :)

بالنسبه للطيران الداخلي .. والله انا اتعامل بشكل دائم مع الفيولينغ ..

هذا موقعهم .. وانا حاجز برضو من مدريد لبرشلونه على نفس الطيران هذا..

تفضل

www.vueling.com

ان شاء الله تحصل سعر الذهاب والعوده حوالي الـ 100 يوور :)

ME$$I - 19
11-12-2007, 05:55 AM
الوالد نضرته مستقبليه على العموم ما أبي إلا دعواتكم

الله يوفقك دنيا وآخرة ..

الشاب البرشلوني
11-12-2007, 10:59 PM
اريد اعرف يا اخ ناصر انا طالب والحال مو مساعد وتحصيلي العلمي ممتاز اقدر اتعلم هناك ويساعدوني بالتكلفه واريد اعرف اسم افضل جامعه هناك وجزاك الله كل خير

labilfor
11-12-2007, 11:29 PM
اريد ان احصل على توقيع ميسى هل هدا ممكن ف / الكامب نو

labilfor
11-12-2007, 11:36 PM
و اريد معرفة اين يقطن ميسى هدا الاعب الموهوب حاليا وشكرا...

labilfor
11-12-2007, 11:37 PM
الدين .. ثم الوطن .. ثم برشلونه ..

كتالوني مانشستر
13-12-2007, 08:18 AM
ناصر ولا عليك امر عندي كذا سؤال :

-الرامبلا كم يبعد عن فندق برنسيس صوفيا باليسارة؟
-انا فترة اقامتي راح تكون من 20 | 26 ديسمبر . رايك اخذ جولة بالباص السياحي والا ماتسوى؟؟
-الماسيا هل هو جنب الكامب نو بالظبط والا بعيد عنه؟
-التجول داخل الكامب نو يكون مفتوح من الساعة كم ؟ومتى يسكر؟
-الجو ببرشلونة بارد مرة ؟ والا عادي ؟
يعني بالعربي نظام تي شيرت وفوقه بلوفر والا اظف كل دولابي والبس كل الملابس اللي عندي فوق بعض؟؟

الله لا يهينك يا الغالي وادري اني ازعجتك باسالتي
وادري انك ان شاء الله ما تقصر

hola
13-12-2007, 12:38 PM
-الرامبلا كم يبعد عن فندق برنسيس صوفيا باليسارة؟
حوالي 10 دقايق ..


-انا فترة اقامتي راح تكون من 20 | 26 ديسمبر . رايك اخذ جولة بالباص السياحي والا ماتسوى؟؟

والله تسوى ونص .. من جد الباص تور رهيب :)

-الماسيا هل هو جنب الكامب نو بالظبط والا بعيد عنه؟
الماسيا عن برنسيسا صوفيا .. نص دقيقه
والكامب نو عن برنسيسا صوفيا دقيقه ..
عموما الكامب نو لازق في الماسيا

-التجول داخل الكامب نو يكون مفتوح من الساعة كم ؟ومتى يسكر؟

في العاده من 9 الصبح الى الساعه 5 المغرب

-الجو ببرشلونة بارد مرة ؟ والا عادي ؟
بالوقت الحالي اعتقد بارد يعني درجة الحراره بالظهر 11 وبالليل 7

يعني بالعربي نظام تي شيرت وفوقه بلوفر والا اظف كل دولابي والبس كل الملابس اللي عندي فوق بعض؟؟
هههههههههه لا ماهي موسكو عاد .. يعني عن نفسي بلوفر كفايه !!

jaja
13-12-2007, 09:09 PM
والله فكرة رائعة منك كالعادة يا رائع يا اخي يا hola فانا لدي بعض من العائلة هناك في اروع مدينة الى وهي برشلونة وكن اكيد اخي الغالي بانني ان أردت السفر اليها يوما ستكون ان شاء الله اول من سيعلم واول المرشدين لي يا اخي الرائع hola .

مع تحياتي :

اخوك وصديقك مشجع برشلونة المتعصب جدا جدا جدا jaja

LUIS GARCĺA
14-12-2007, 03:22 AM
سلامات ناصر عندي كم سؤال لك:06:
لو ناوي أسافر برشلونة ,,,, شو الخطوات المطلوبة:D
شو الأماكن التي تنصحني فيها:D
الجو بارد كتير اليوم الحرارة 2 , جيب معك جاكيت أحسن لك:D:D:D:D

boo7ha
14-12-2007, 08:09 AM
عفاك ربي ناصر عندي اسئله اتمنى مااضايق بعد العيد يمكن اسافر بنسبه تسعين بلميه
هل يمدي على الكلاسيكو وكم التذاكر والفنادق الي تنصح فيها وشاكرلك يال غالي

أحمد الرويعي
15-12-2007, 01:15 PM
نصوور ..

عدت اليك مررة اخررى ..

ابيك تسأل عن اللغه الاسبانيه تفرق عن اللغه الكتلونيه .. ؟؟

مو تقول ماعررف ترى ابجي .. <<<< قاعد يتعلم الاسبانيه ... هئ هئ هئ :(

علوش العلاليش
15-12-2007, 01:53 PM
مشكور اخي ناصر انا عايش في برشلونه انا واهلي الي يريد اي مساعده انا موجود باذن الله كمان انا بحضر معظم مباريات البارسا

سبستيان سوريا
16-12-2007, 11:24 AM
احب السفر الى مدينة برشلونة من اجل تشجيع الكبير مثل برشلونة واحب انا يلاعب ميسي

كتالوني مانشستر
16-12-2007, 06:49 PM
طيب ناصر معليش ازعجتك بسالك بعد كم سؤال >>>>> يا ويلك من ناصر:d

- الباص تور كم سعره؟ ومن متى لمتى يقعد يدور بهالبشرية؟ انا حسب ماسمعت انك تقدر تاخذه على يومين وعلى ثلاث ايام . والا انا غلطان؟

- ابيك يا الغالي تصف قائمة الممنوعات بالكامب نو وقت المباراة { يعني الاشياء اللي ممنوع تدخلها معك }
-لو ادخل معي علم السعودية وقت المباراة او اعلقه باي مكان بالملعب هل يسبب لي مشاكل؟:)

انت كفيت ووفيت يا ريسنا بس في شي واحد ومدري اذا كنت تقدر تضبطه والا لا
اللي هو في كذا موضوع بذهب الماتودارنا عن برشلونة لكن الصور مب راضيه تطلع
تقدر تشوف وش المشكلة؟؟

اسفين على الازعاج وان شاء الله نرد لك جمايلك والوعد في برشلونة:)

brazil4ever
18-12-2007, 05:07 PM
ناصر ... اخباركـ .. ما دخلت على الـ msn قلت أسألك هنا ..

يمدينا نحضر تدريبات للفريق .. وإذا ايه .. من متى لـ متى وقتها ... وانت أبخص بالتفاصيل .. ..

Adios .. rose ..

lOok@me
19-12-2007, 03:06 AM
يعطيك العافيه الموضوع المتميز والجهد الكبير الى تبذله + الله يعينك علينا

انا مابى فنادق وتذاكر لأنه ماعندى مشكله بهالموضوع الى ابى اعرفه هل المدينه سياحيه عصريه يعنى تستاهل الواحد يروح مع زوجته او اهله لها سياحه وتمشى ؟

ملينا من لندن وألمانيا :(

وماربيا صراحه مافيها غير البورتا بانوس شارع وبحر وكافيها ومفاصيخ مغازل عن نفسى ماحبيتها !!

النيه ان شاءالله مايوركا وبرشلونه بس حبيت اتأكد منك عنها بصوره عامه

قواك الله ويعطيك العافيه

الشاب
19-12-2007, 04:27 AM
ناصر ايش رايك انت والشباب

انا قلت للشباب في العرب المسافرون اننا نتواعد يوم السبت في سوق مارماقنم في نهاية شارع الرامبلا في المقهى الخارجي على الساعة السادسة مساء

oppel
20-12-2007, 05:33 AM
مشكور اخوي على الجهد الكبير اللي سويته.....

حبيت اسأل سؤال.....لازم تعرف اسباني كلغة علشان تروح لهلأماكن.....

يعني لازم تكون ملم باللغة الاسبانية.....ولا يكفي انجليزي.....خاصة اني مقيم في انجلترا....

وسؤال ثاني اذا سمحت......هل هناك يوجد عنصرية......خاصة اني اسمر اللون....:)

مشكور مرة ثانية.....

أحمد الرويعي
20-12-2007, 10:24 PM
ناصرر ..!!!

وينك هالغيبه .. عسى ماشرر .. << يبيك ترد على سؤاله اللي فووق^ .. ََ (:

والله فقدتك ..!!!!!
...
..
.
.
انشاءالله بخير وترد على استفساراتنا ..
.
.
.

Musha'l
21-12-2007, 08:38 PM
بجاوب عن بعض الاسئله عن ناصر

..

عدت اليك مررة اخررى ..


ابيك تسأل عن اللغه الاسبانيه تفرق عن اللغه الكتلونيه .. ؟؟

مو تقول ماعررف ترى ابجي .. <<<< قاعد يتعلم الاسبانيه ... هئ هئ ه

اللغه الاسبانية متشابهه مع اللغة الكاتلاونيه .. يعني من يتحدث الاسبانية لن يعاني من اي مشاكل في برشلونه


- الباص تور كم سعره؟ ومن متى لمتى يقعد يدور بهالبشرية؟ انا حسب ماسمعت انك تقدر تاخذه على يومين وعلى ثلاث ايام . والا انا غلطان؟

- ابيك يا الغالي تصف قائمة الممنوعات بالكامب نو وقت المباراة { يعني الاشياء اللي ممنوع تدخلها معك }
-لو ادخل معي علم السعودية وقت المباراة او اعلقه باي مكان بالملعب هل يسبب لي مشاكل؟

الباص تور تقدر تاخذه لمده يوم او يومين .. يومين تقريبا ب20 يورو .. وله ثلاث مسارات مختلفه .. لازم تنتقل من باص الى باص للتنقل في المسارات الثلاث .. طبعا لما يعطونك الخريطه راح تشاهد المسارات بألوان مختلفه

لا يمانعون من ادخال علم السعوديه ابدا .. ولكن في بعض الاماكن لا يسمح بتعليق الاعلام



يمدينا نحضر تدريبات للفريق .. وإذا ايه .. من متى لـ متى وقتها ... وانت أبخص بالتفاصيل .. .

الحضور للتدريبات يكون مسموح به في بعض الاوقات .. ولكن يكون من خارج الشبك .. الاوقات تختلف على حسب المباريات واوقاتها




انا مابى فنادق وتذاكر لأنه ماعندى مشكله بهالموضوع الى ابى اعرفه هل المدينه سياحيه عصريه يعنى تستاهل الواحد يروح مع زوجته او اهله لها سياحه وتمشى ؟

ملينا من لندن وألمانيا

وماربيا صراحه مافيها غير البورتا بانوس شارع وبحر وكافيها ومفاصيخ مغازل عن نفسى ماحبيتها !!

النيه ان شاءالله مايوركا وبرشلونه بس حبيت اتأكد منك عنها بصوره عامه

المدينه بكل تاكيد تستحق الزياره .. وهي مدينه عصريه وحديثه جدا .. تمتلك كل مقومات السياحه وكل وسائل الترفيه .. من اسواق ومعالم وومدن العاب ومطاعم وشواطيء .. ولن تندم بأذن الله اذا زرتها



مشكور اخوي على الجهد الكبير اللي سويته.....

حبيت اسأل سؤال.....لازم تعرف اسباني كلغة علشان تروح لهلأماكن.....

يعني لازم تكون ملم باللغة الاسبانية.....ولا يكفي انجليزي.....خاصة اني مقيم في انجلترا....

وسؤال ثاني اذا سمحت......هل هناك يوجد عنصرية......خاصة اني اسمر الل


الاسبان عموما لغتهم الانجليزية ضعيفه .. ولكن لن تجد اي مشاكل في التواصل باللغة الانجليزية .. البروشرات مكتوبه اللغة الانجليزية .. والامكان السياحيه يوجد بها لافتات باللغة الانجليزية .. كثير من زملائي لغتهم الانجليزية متواضعه ولم يجدوا اي مشاكل هناك .. وبالنسبة للون البشرة لا اعتقد انك ستجد اي مضايقات هناك خصوصا ان كل الاجناس يعيشون في المدينه

oppel
22-12-2007, 01:08 AM
مشكور اخوي مشعل على التوضيح:keda:........اخوي asdfgh مشكور على تنبيهك لناصر.....:)

hola
22-12-2007, 02:38 PM
مشكوووور مشعل على الرد .. شباب اعذروني والله .. جداً مريض :(

FCB-Lona
22-12-2007, 03:02 PM
مرحبا ناصر

سلامات ماتشوف شر .. انا بعد ضاربتني انفلونزا

وانت الحين مابتحضر الكلاسيكو ؟

برڪان الڪامب نو
22-12-2007, 03:06 PM
مشكوووور مشعل على الرد .. شباب اعذروني والله .. جداً مريض

ناصر شد حليك وش مريض فيه احد يمرض قبل الكلاسكيو:)

ناصر ماتشوف شر حبيب قلبي انت!!!

وبغيت اسألك انت قبل ايامـ وين كنت هل سافرت فعلا الى كتلونيا لحضور اللقاء

ام انك الان في العاصمه التي لم تحتل :)

تحياتي اخوك فيصل

lOok@me
23-12-2007, 04:12 AM
شكرا مشعل :)
ماتشوف شر ناصر اجر ان شاءالله

Leonardo Da Vinci
23-12-2007, 07:34 AM
وسلامتك يا ولد العم ماتشوف شر أن شالله بعدوينك :(

Ļŏćọ ČυĹέ
25-12-2007, 04:00 PM
سلامات ياناصر

عندي سؤال انا ان شاء الله بطلع تأشيرة للسفر

وفي الطلبات في كشف حساب لستة شهور سابقة يعني طالب جامعي ومكفأته 990 يقبلوها ولا كيف ؟؟

وشكراً مقدماا

hola
26-12-2007, 08:10 PM
^^

والله مشكله .. لكن نصيحتي لك انك تاخذ كشف حساب الوالد

## يجزاكم خير شباب :)

rachidinhou
26-12-2007, 10:42 PM
مشكور اخي ناصر انا عايش في برشلونه انا واهلي الي يريد اي مساعده انا موجود باذن الله كمان انا بحضر معظم مباريات البارسا


شكرالكم هدا الموضوع صراحة اخي ان انشاءالله سوف اسافر الى برشلونة في شهر فبراير الفادم 2008 واتمنى ان اجد احد الاصدقاء لمساعدتي في ايجاد فندق او شقة لمدة اسبوع و المرافق السياحية الموجودة في برشلونة ولكن انا كل ما يهمني هو بخصوص اخد الصور مع اللاعبين هل تم بسهولة او ان هناك حرس للاعبين يمنعك من ذلك لاني اوذ اخد صور كثيرة مع اللاعبين وهل يتواجد لابورتا مع الفريق في التداريب للاشارة انا مغربي اقطن في بروكسيل وكل من يود زيارتها فبيتي مفتوح له بدون مشاكل و دمتم سالمين:forcabarc

Dr.MovaBoss
27-12-2007, 01:24 AM
أقول يا شباب ،، مين اللي راح الكلاسيكو الأخير ،، سمعت إن فيه كام واحد من الفورسا رايحين !!

البلوو قرانا
27-12-2007, 05:29 AM
يعطيك العافيه أخوي على الافادة بس بغيت أسأل لك بالدوريث الانجليزي؟ أمزح هههههههههههه

hola
27-12-2007, 06:39 PM
واتمنى ان اجد احد الاصدقاء لمساعدتي في ايجاد فندق او شقة لمدة اسبوع و المرافق السياحية الموجودة في برشلونة ولكن انا كل ما يهمني هو بخصوص اخد الصور مع اللاعبين هل تم بسهولة او ان هناك حرس للاعبين يمنعك من ذلك لاني اوذ اخد صور كثيرة مع اللاعبين وهل يتواجد لابورتا مع الفريق في التداريب
نوعية الفندق الي تبحث عنه كم نجمه ؟ او الشقه .. كم السعر اللي تقدر تدفعه وانا اساعدك وابحث لك عن فندق مناسب ..
أخذ الصور مع الاعبين صعب للغايه ولكن ليس مستحيل

نسيت نكي
27-12-2007, 08:04 PM
ولكم باك يا ناصر .. والحمد لله على السلامة يا بعدي rose ؛؛؛

اشتقنالك في رابطة الافلامـ :D

برشلوني وفتخر1
28-12-2007, 04:29 AM
مشكور اخوي ناصر ممكن انا احتاج الموضوع عشان ممكن اسافر لكتلونيا ,,,

الشاب
28-12-2007, 08:00 AM
حمد لله على السلامة ناصر و ان شاء الله تعوضونها في الإياب

رغم اني مدريدي بس صراحة كنت ابي برشلونة يفوز علشان اشوف فرحة البرشلونيين في الشوارع في برشلونة كيف راح تكون و ثانيا علشان ما احب اشوف الشباب ضايقة صدورهم

و الشي الثاني و ايش اخبار الشباب ,,, راح فينيسا و ميلان ؟ و كيف اعجبتهم ؟

و انت مدريد مرة ما عجبتك؟

hola
28-12-2007, 09:29 PM
هلا عبدالمجيد.. يالله حيه :) يله باذن الله التعويض بـ رفع الكاس بأذن الله .. وهذا الاهم ..

الشباب والله ماعندي اي فكره عنهم اليوم بتصل عليهم وبيجيك العلم ..

بالنسبه لـ مدريد .. والله حليوه المدينه .. بس تحس انها مو حقة سياحه ..!! احلى مافيها شارع البوتاس اللي جنب الجران بيا ههههههههههههههههههههههههههه

Dr.MovaBoss
29-12-2007, 02:32 AM
ناصر ،، سمعت إنك كنت رايح الكلاسيكو الأخير ،، مش عارف رحت ولا لأ !!

ومين تاني من الشباب راح !!

hola
29-12-2007, 02:39 AM
^^

هلا حبيبي ايه نعم كنت بالكلاسيكو .. وعددنا 6 نعرف بعض .. ولكن عدد الجرووب بالكامل 40 شخص !!

عموماً ان شاء الله هلالي برشلونه حينزل تقرير ..:)

يعافيك ربي حبيبي ..

Dr.MovaBoss
29-12-2007, 02:48 AM
اها ،، حمد الله على السلامة ،، أنا كنت سامع أنك مريض ،، خفت ما تكون رحت ،،

ما شاء الله 40 واحد ،، المرة الجاية معاكم إن شاء الله :)

بانتظار تقرير هلالي برشلونه !! :)

hola
29-12-2007, 05:08 AM
^^

مريض هناك والله !! ماطلعت من الاوتيل ابداً !! هههههههههههههه عين ماصلتش عالنبي :(

أحمد الرويعي
30-12-2007, 12:15 PM
الحمدالله على سلامتك ,,

شلون أجواء الكلاسيكو ..؟؟

بأي قسم قعدتوا ... ؟؟




بأنتظار تقريركم ؟؟
.
.
.

هلالي برشلونة
31-12-2007, 02:05 AM
أهلين شباب.. التقرير سياحي أكثر مما هو رياضي.. فراح ينزل في الماتو.. واصبروا علينا شوي لأن الصور حاليا مهب عندي ولين أنزل الصور من جهاز المصور.. ويتم كتابة الموضوع وتنسيقه ومراجعته.. الشغلة محتاجة وقت شوي.. وإن شاء الله يكون تقرير سياحي تحفة..!!

وهاردلك.. وحسبي الله على من كان السبب

Dr.MovaBoss
31-12-2007, 02:54 AM
بانتظار التقرير يا هلالي ،، وحمد الله على السلامة !! :)

pouol الاسد
03-01-2008, 10:16 AM
هلا ومرحبا اخوي ناصر اولا.. الحمد الله علي السلامه وهاردللك ان شالله بنعوضها ثانيا انا رايح ان شالله بنهايه جون عندي كذا سؤال واسف ع الاطاله
1 من وين اشتري تذاكر للباراه وهل فيه اماكنيه احجزها وانا في الرياض ؟
2 ماهي افضل خطووط رحت فيها لاسبانيا وسعرها مناسب و هل فيه من الرياض لبرشلونه دايركت ؟؟ 3 كم متوسط الكلفه من سكن ومعيشه في الاسبوع لشخصين ؟؟ ول 4 اشخاص لمده اسبوع
4 ماهي افضل المطاعم واين تقع ( يحب الاكل ) 5 كم تستغرق الفيزا عشان تطلع ( ارجوا افادتي بهاذي النقطه بشكل كبير ) سبحانك اللهم وبحمدك استغفرك واتوب اليك واسف لاطالتي ناصر

برشه لابد
03-01-2008, 11:47 AM
الله يعطيك العافيه مشكووور

برشه لابد
03-01-2008, 11:52 AM
الله يعافيك ماقصرة

hola
04-01-2008, 04:00 AM
هلا ومرحبا اخوي ناصر اولا.. الحمد الله علي السلامه وهاردللك ان شالله بنعوضها ثانيا انا رايح ان شالله بنهايه جون عندي كذا سؤال واسف ع الاطاله
هلا والله ,, الله يسلمك وباذن الله بنردها :)

1 من وين اشتري تذاكر للباراه وهل فيه اماكنيه احجزها وانا في الرياض ؟
اعتقد في وقتك مافيه مباريات ؟ شهر 6 قد انتهى الدوري والا انا غلطان ؟ عموماً اذا المباراه كبيره فـ اشترها من موقع سبورت اموشنز .. او عن طريق مكتب شذونه .. اذا المباراه عاديه ضد فريق عادي يعني فـ اشترها من برشلونه [ المدينه ] ..

2 ماهي افضل خطووط رحت فيها لاسبانيا وسعرها مناسب و هل فيه من الرياض لبرشلونه دايركت ؟؟
والله المشكله مافيه دايركت لبرشلونه :( .. فـ مالك سلمك الله الا تطلع من الرياض لـ مدريد .. ومن مدريد لـ برشلونه .. او الرياض باريس ,, باريس برشلونه ... هذي الخطوط السعوديه .. اسعارها في الصيف بـ حوالي 4300 ريال !! ومن مدريد او باريس لـ برشلونه بـ حوالي 20 يورو اذا قصيتها مبكر :)

فيه الخطوط التركيه .. تطلع الرياض لـ عاصمة تركيا انقره مدري اسطانبول :( .. ترانزيت 6 ساعات .. ومن تركيا لـ برشلونه مباشره .. سعرها بـ حوالي 4000 ريال

وفيه الاردنيه .. الرياض عمان .. عمان برشلونه :)

3 كم متوسط الكلفه من سكن ومعيشه في الاسبوع لشخصين ؟؟ ول 4 اشخاص لمده اسبوع 4
في شهر 6 .. اذا السكن في شقه بيكون ارخص وافضل بالنسبه لي ..!! اذا اربع اشخاص ..
اذا شخصين فـ الاوتيل افضل وبيجيك السعر اليومي حوالي 100 يورو في اوتيل ممتاز .. طبعا يعني كل شخص بـ 50 يورو .. بالنسبه للـ معيشه .. واللي اعتقد تقصد فيها [ القرض ]] الاكل ههههههههههههههه فـ اعتقد مثل الرياض .. برشلونه رخيصه بـ صراحه :) يعني الوجبه تحصلها بـ 7 يورو للفرد في مطعم ايطالي مثلاً .. او بـ 5 يورو في برجر كنج وماك :)

ماهي افضل المطاعم واين تقع ( يحب الاكل )
حدد نوعية المطاعم !! طلياني عربي صيني ؟

5 كم تستغرق الفيزا عشان تطلع ( ارجوا افادتي بهاذي النقطه بشكل كبير ) سبحانك اللهم وبحمدك استغفرك واتوب اليك واسف لاطالتي ناصر
ماتجلس اكثر من 3 اسابيع اذا اوراقك كامله .. بس ما انصحك تطلعها على الاسبانيه لأنهم خنازير ويعطونك شهر واحد فقط ! انصحك تطلعها على الايطاليه .. صح انها أغث في التقديم .. ولكن يعطونك مده طويله :)

Maxi-Lopez
04-01-2008, 08:12 PM
في شهر 6 .. اذا السكن في شقه بيكون ارخص وافضل بالنسبه لي ..!! اذا اربع اشخاص ..
اذا شخصين فـ الاوتيل افضل وبيجيك السعر اليومي حوالي 100 يورو في اوتيل ممتاز .. طبعا يعني كل شخص بـ 50 يورو .. بالنسبه للـ معيشه .. واللي اعتقد تقصد فيها [ القرض ]] الاكل ههههههههههههههه فـ اعتقد مثل الرياض .. برشلونه رخيصه بـ صراحه يعني الوجبه تحصلها بـ 7 يورو للفرد في مطعم ايطالي مثلاً .. او بـ 5 يورو في برجر كنج وماك


بغيت اسألك يا ناصر عن معدل صرفك اليومي هناك ( يعني تقريبا ً بدون ما تروح تشتري شي بس دخول متنزهات وأماكن سياحية وأكل لا اكثر ) ؟

hola
05-01-2008, 04:00 AM
^^ مايزيد عن 20 يورو !! لأن المناطق السياحيه بشكل مجاني تدخلها وكذلك الحدايق .. الا اذا اماكن تاريخيه تدخلها بـ سعر رمزي !! يعني اذا بدون مشتريات .. وفقط اكل ومواصلات .. اعتقد 20 يورو !!
طبعا اتكلم عن [[ استخدام الاندر جراوند ]] في التنقلات :)

Barca_91
05-01-2008, 04:05 AM
كفيت ووفيت ياهولا

تخلي الواحد غصب يفكر عشان يروح برشلونه :p

بس انا لين فكرت اروح برشلونه صدقني ماراح اروح الا معاك ... ولا ماتبينا نفس المسن :p

اخوي ... جفت تقرير هلالي مال 2005 والصور موطالعه ...

ماتدري متي بينزل التقرير ؟؟؟

ونتو يوم رحتون برشلونه .. صورتون مع الاعبين ؟؟؟

انتو كل سنه تروحون برشلونه ولا ؟؟


بس جاوب :p

LUIS GARCĺA
05-01-2008, 04:13 AM
يعني الوجبه تحصلها بـ 7 يورو للفرد في مطعم ايطالي مثلاً
:keda::D:D:D:D:D:D:D:D:keda:

Maxi-Lopez
05-01-2008, 08:50 AM
بغيت اسألك يا ناصر عن معدل صرفك اليومي هناك ( يعني تقريبا ً بدون ما تروح تشتري شي بس دخول متنزهات وأماكن سياحية وأكل لا اكثر ) ؟


تدري أني صنفت أروح شهر العسل هناك والسبب أنت ... ما قصرت يا ناصر ... ألا بالمرة ... هل ذهبت لمناطق أخرى في إسبانيا ... وكيف وجدتها ( أو سمعت عنها إذا لم تذهب ) ؟ .... وكيف الأسعار هناك ؟ هل تختلف عن كاتالونيا ؟ ... اسمح لي على كثرة الأسئلة ...

حبك حبيبي
15-01-2008, 07:27 PM
السلام عليكم

اخوي hola حاب اطول عليك شوي

انا ابي اروح برشلونه تاريخ 31/1/2008

ابي اسألك عن سعر فندق رخيص وقريب عند الكامب نو ابي اسمه ؟

ابي يمديني احجز حق مبارة برشلونه واساسونا بتاريخ 2/1 وكم اسعار التذاكر من بين كم الى كم ؟

وابي شلون الديره رخيصه ولا لا مع العلم اني بقعد 5 ايام وكم يكفي لشخصين ؟

( الدعوه اقتصاديا ) طبعاً

وللمعلوميه ابي اعرف شلون الجو حالياً


وابي شنو احلى برنامج بهالخمس ايام ؟

ويعطيك العافيه اخوي hola

hola
15-01-2008, 11:19 PM
لي عوده بعد الماتش اليوم ..:)

Môōka 10 Gaucho
16-01-2008, 03:35 AM
اخوي هولا ماهي المباريات التى استطعت ان تحظرها في الكاب نو

حبك حبيبي
20-01-2008, 06:39 AM
قوة اخوي hola

نظرتك بعد المبارة بما يقارب خمس ايام

ولا رديت على

ارجو الرد علي بأسرع وقت

واكون شاكرلك خيو

واسف على الازعاج

hola
22-01-2008, 05:51 AM
هلا شباب العذر والسموحه نسيت الموضوع هههههههههههههه

تدري أني صنفت أروح شهر العسل هناك والسبب أنت ... ما قصرت يا ناصر ... ألا بالمرة ... هل ذهبت لمناطق أخرى في إسبانيا ... وكيف وجدتها ( أو سمعت عنها إذا لم تذهب ) ؟ .... وكيف الأسعار هناك ؟ هل تختلف عن كاتالونيا ؟ ... اسمح لي على كثرة الأسئلة ...
والله اسبانيا خيال بصراحه .. مع اني اشوف اذا بتاخذ شهر عسل .. فـ المطلوبه النمسا وماجاورها .. طبيعه وهدوء عشان تمخمخ في شهر العسل يعني .. منتب فاضي تصحى الساعه 11 بالليل تطامر بـ شوارع برشلونه او مدريد !! يعني حلو نظام النمسا والمانيا للعرسان .. تصحى الساعه 11 الظهر وتتغدا وتاخذ جوله على المدينه الى العصر ترجع تروق .. تطلع ثانيه تروح للبحيرات .. او للمدن القريبه منك .. والساعه 8 بالليل راجع للاوتيل من جديد !!
بعكس اسبانيا اللي يبيلها نشاط وحركه وتنقل كبير !!
عموماً .. انا رحت لـ أغلب مناطق كتلونيا [ جيرونا برشلونه تيراسا تيراخونا ] بصراحه تيراسا كلها جبل واحد وعنده اثار .. وجيرونا .. مناطق تاريخيه وحي يهودي تاريخي [ في الزمن الأسلامي ] .. تيراخونا تمتاز بـ اسواقها مع ان المدينه صغينونه .. وبرشلونه تكلمت عنها كثير ..
مناطق اسبانيا .. والله مازرت غير برشلونه الا مدريد .. وبصراحه المدينه ماعجبتني ابد .. يعني مافيها الا شارع واحد يستحق الزياره اللي هو الجران بيا .. وبرضو ساحة بورتا دي سول .. هذا غير ملعب الريال وملعب الاتليتكو ..
طبعا اسمع ان ماربيه مدينه للخليجيين لكن انت طبعاً بتكون بـ شهر العسل وماتبي تقابل خليجي هههههههههههههههه .. ماربيه زي المنتجع الصغير .. فيه شارع صغنن او منطقه صغننه اسمها بورتا بانوس .. فيها مقاهي ومطاعم وشارع .. كل[ن] يكشخ بسيارته ويعملي فيها ابن بشوات :) وبس !!

فيه سان سبستيان هذي شمال برشلونه [ في الباسك تحديداً ] سمعت والله من خالتي ومن احد الاصدقاء .. بأنها اجمل مدينه في العالم او من اجمل مدن في العالم !! طبيعه خيال .. ورايقه المدينه ونظامها اوربي بحت زي النمسا يعني والمانيا .. مو نظام اسباني عربي :) فيها بحيره كبيره وشغل عدل :)

وبرضو يمدحون الشباب .. مدينة لاكرونيا .. على البحر ورايقه ومافيها خليجيين ابد !!

# نصيحه خاصه فكر بالنمسا والمانيا .. اذا الدعوه شهر عسل ..:)

--

بي اسألك عن سعر فندق رخيص وقريب عند الكامب نو ابي اسمه ؟

جداً اسف على التأخير .. NH Les Corts هذا الأوتيل حصلته يبعد 10 دقايق عن الكامب نو في منطقة الليس كورتيس .. منطقه حلوه وجنب الكامب نو مثل ماقلتلك .. بس يالغالي نصيحه اخويه .. اسكن في البلازا كتلونيا او الباسيج دي غارسيا .. احلى وأونس .. خصيصا اذا انتم شباب ..!!
يعني منطقة الكامب نو وش بتستفيد منها !؟ انك تروح للملعب كل يوم !؟ طيب هالشيء سهل تقدر كل يوم تركب الميترو وتروح لملعب البارسا :)

ابي يمديني احجز حق مبارة برشلونه واساسونا بتاريخ 2/1 وكم اسعار التذاكر من بين كم الى كم ؟
مايحتاج حجز .. اذا رحت هناك قصها من بوابة التذاكر .. اسعار التذاكر تبدأ من 30 يورو اعتقد او 40 يورو .. وتصل الى 110 يورو هذا في الغالب .. !!

وابي شلون الديره رخيصه ولا لا مع العلم اني بقعد 5 ايام وكم يكفي لشخصين ؟
من ناحية تنقل بـ المترو .. والأكل في المطاعم .. رخيصه .. وصدقني ارخص من الكويت والسعوديه :)

وللمعلوميه ابي اعرف شلون الجو حالياً
درجة الحراره هالايام 14 في برشلونه ..

وابي شنو احلى برنامج بهالخمس ايام ؟
ياليت تراجع الصفحات الأولى في الموضوع واذا ماستفدت قولي وارجع اكتبهالك :)

--

ملكة كتلونيا .. الروضه السعودي ضد برشلونه :)

Bαrcα-Girl
26-01-2008, 05:04 AM
لووول خوش موضوع !! بس انا سافرت برشلونة و خلصتP :

][ .. Gooner .. ][
30-01-2008, 08:15 PM
اخوي حبيت اسألك اذا فيه جامعه تدرس باللغه الانجليزيه هناك لأنه حاب ادرس في اوروبا اذا امكن برشلونه لانها اقرب مدينه الى قلبي بس اذا مافي بروح لندن و بعد بغيت اسألك اذا قدرت تعرفلي كم بياخذلي اذا بروح من لندن لين برشلونه بالقطار و كم وقت بياخذ؟؟

شكرا عزيزي

messibarca
02-02-2008, 12:23 PM
أهلا بجميع الإخوان

صبح الخير

المهم انا رايحه مباراة برشلونه سيلتك في مارس (مين قدي ههه)
و مازرت برشلونه قبل كده ...... ومن كتابت بعض الإخوان يتضح لي انهم زاروها أكثر من مره
الى اللذين ذهبوا
...هل هناك فندق معين توصي بالسكن فيه؟ كذلك أي مطاعم تستحق الزياره :)

أما اللذين ما راحوا ... عقبالكم

و لكم جزيل الشكر

Federer
06-02-2008, 04:09 AM
هو الموضوع ملوش علاقه بالسفر لاسبانيا هو ليه علاقه بالاسباني نفسه:06:

ياريت حد بيعرف اسباني يترجملي الجمله دي

estare muy feliz si ganarte

●• بہيانـ ڪْ ـۈنيريـﮧ •●
06-02-2008, 04:19 AM
هلا ناصـــر موضوع حلوو حبيتــ اسألك كم تكلفة الرحلة عشان الواحد يقدر يروحـ يشوف كلاسيكو

يعني 20 الف تقريبا او ثلاثين وهل ايطاليا اغلى من اسبانيا او العكس وشكراا لكـ

LUIS GARCĺA
06-02-2008, 04:53 AM
هو الموضوع ملوش علاقه بالسفر لاسبانيا هو ليه علاقه بالاسباني نفسه:06:

ياريت حد بيعرف اسباني يترجملي الجمله دي

estare muy feliz si ganarte

الترجمة : سأكون سعيد جدّاً إذا فزت عليك:D:D

EXTREME
06-02-2008, 05:58 AM
هلا ناصـــر موضوع حلوو حبيتــ اسألك كم تكلفة الرحلة عشان الواحد يقدر يروحـ يشوف كلاسيكو

يعني 20 الف تقريبا او ثلاثين وهل ايطاليا اغلى من اسبانيا او العكس وشكراا لكـ

ما أوصيك يا بيانكو بتشجيع البلوغرانا في البرنابيو ..

Federer
06-02-2008, 06:39 AM
الترجمة : سأكون سعيد جدّاً إذا فزت عليك:D:D


شكرا ياغالي ويبقي يوريني هيفوز عليا ازاي دانا هقطعه ان شاء الله :D